پی کاکانینگ پشمرگه گه هجوم اویوشتیریشی نیمه معناگه کیله دی؟

تحلیل و تیکشیروو

1656301
پی کاکانینگ پشمرگه گه هجوم اویوشتیریشی نیمه معناگه کیله دی؟

پی کاکانینگ پشمرگه گه هجوم اویوشتیریشی نیمه معناگه کیله دی؟

تورکیه تامانیدن عراق نینگ شمالیده تروریزم گه قرشی کوره ش نی کوپه یتیرگن بیر پیتده ترور تشکیلاتی پی کاکانینگ عراق کرد منطقوی باشقرووی نینگ حربی کوچی بولمیش پشمرگه نی آماج قرار بیرگن لیگی کوریلماقده. سونگگی تروریستیک هجوملرده 7 ته پشمرگه حیاتینی یوقاتدی. انچه پشمرگه ایسه یره لنگن وضعیتده. عراق کرد منطقوی باشقرووی هم ترور تشکیلاتی پی کاکاگه غضبلنگن وضعیتده.

تشقی سیاست بوییچه تیکشیرووچی جا‌ن اجون نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

سونگگی پیتلرده عراق نینگ شمالیده عراق کرد منطقوی باشقرووی نینگ حربی کوچی بولمیش پشمرگه لر بیلن ترور تشکیلاتی پی کاکانینگ اورته سیده یوز بیریب تورگن بحران وقت وقتی بیلن توقنه شووگه ایلنماقده.  ترور تشکیلاتی پی کاکانینگ دوحوک نینگ آمدی منطقه سیده پشمرگه گه باغلیق زیروانی کوچلریگه قره ته هجوملری آرتیب بارماقده. سونگگی هجومده 6 ته پشمرگه حیاتینی یوقاتر ایکن انچه پشمرگه یره لندی. ینه ایریم بیر جایده یوز بیرگن هجومده بیر کیشی پشمرگه اولدی. بو هجوملر نتیجه سیده یوز بیرگن آغیر تلفات عراق کرد منطقوی باشقرووی نی غضبلنتیررکن پی کاکا ایسه بونگه قولی بولمه گن لیگی بیلن تیگیشلی تبلیغ آلیب بارماقده.

 ترور تشکیلاتی پی کاکا بیرگن بیاناتده متیناده منطقه سیگه کیرماقچی بولگن پشمرگه نی آگاهلنتیرگن لیکلرینی بیراق هجوم اویوشتیرمه گن لیکلرینی ادعا ایتماقده. بیراق برچه نشانه لر آچیق بیر شکلده پی کاکانینگ پشمرگه کوچلرینی اماج قرار بیرگن لیگینی کورستماقده. شونده ی بولیب عراق کرد منطقوی باشقرووی ییتکچیلری قاله ویرسه باش وزیر برزانی قتّیق بیر شکلده پی کاکانی عیبلب قاره له دیلر.

درحقیقت کیینگه قیتیب قره گنده آدیم آدیم بو وضعیت نینگ کیله یاتگن لیگی کوریلماقده ایدی. تورکیه نینگ عراق نینگ شمالیده پی کاکاگه قره ته آرتیب بارگن عملیاتلری و پی کاکانی چیگره خطیدن برطرف ایته دیگن شکلده آلغه باریشی ینه هفتانینگ، اواشین – باسیان، نتینا کبی منطقه لرده حاکمیت ساحه سی یراتیب جایلشیشی، بو جریانده پشمرگه نینگ تورک قوراللی کوچلری TSK گه بعضی بیر واسطه لر آرقه لی همکار بولیشی پی کاکانی قیین وضعیت گه قویگندی. ترور تشکیلاتی آغیر تلفات بیریشی قاله ویرسه کنترول ایتگن منطقه لرده هم محاصره قیلینگن لوجستیک خطلرینی قولدن بیرگن وضعیت گه کیلگندی. شونده ی بولیب آچیق بیر شکلده پشمرگه نی هم آماج قرار بیریب منطقه ده گی موجودیتینی قوریقلش اورونیشیده دیر.

نتیجه ده ترور تشکیلاتی منطقه ده گی بحراندن فایده لنیب انچه ساحه نی قانونسیز کنترولی آستیده آلگن و عراق کرد منطقوی باشقرووی نینگ کوچ اعتبارینی هم تن آلمه ی حرکت ایتماقده ایدی. شونده ی بولیب 700 دن آرتیق قیشلاق پی کاکانینگ کنترولیده ایدی. بو عراق کرد منطقوی باشقرووینی اینیقسه KDP لیکلر تامانیدن قبول قیلینمه یدیگن بیر وضعیت ایدی. بیراق تورکیه قوراللی کوچلری نینگ منطقه گه کوچلی بیر شکلده پی کاکانی آماج قرار بیریشی KDP گه هم بیر فرصت یراتدی و کمراق هم بولسه پی کاکاگه قرشی حرکت گه اوتیشلریگه سبب بولدی.

کیلگوسی باسقیچده پشمرگه – پی کاکا کوره شی نینگ تاباره آرتیب باره جگینی بو وضعیتدن هم تورکیه نینگ تروریزم گه قرشی کوره شی گه کمک قیله جگینی کوریش ممکن.  

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.



علاقه لی ینگی لیکلر