سوریه بحرانی نینگ اونینچی ییلی تولدی

تحلیل و تیکشیروو

1604824
سوریه بحرانی نینگ اونینچی ییلی تولدی

سوریه بحرانی نینگ اونینچی ییل لیگی  

خوفسیزلیک بوییچه تیکشیرووچی مراد یشیل تاش نینگ سوریه بحرانی موضوعی گه دایر فکر و ملاحظه‌لرینی اعتبارینگیزگه حواله‌ قیله‌میز .

سوریه ده اون ییلدن بیری دوام ایتیب تورگن ایچکی اوروش گه بیر ییچیم تاپیلمه دی. یوز مینگلب سوریه لیک حیاتینی یوقاتگن و 7 میلیون ته سی چیت ایل گه بدرغه بولیب کیتگن بیر اچیق اوروش دنیانینگ کوزی نینگ آلدیده دوام ایتماقده. 2011 ییلی مارچ آییده باشله گن مظاهره چی خلقینی جزالنتیریب خشونت گه قول اورگن بشارالاسد تیزیمی ایسه حلی گچه ایاقده. بیرلشگن ملتلر تشکیلاتی قاله ویرسه خلق ارا همجمعیتلر، امریکا قوشمه ایالتلری و اروپا بیرلیگی کبی اکتورلرنینگ هیچ بیری کینگ کولملی بیر ییچیم تاپمه دی. روسیه و ایران کبی اکتورلر هم مسئله نینگ چوقورراق بولیب کیتیشی گه سبب بولدی.

سوریه لیکلر اوچون قولیدن کیلگندن کوپراغینی قیلگن اولکه ایسه تورکیه جمهور باشلیغی رجب طیب ایردوغان "دموکراسی، سوز ایرکین لیگی و انسان حقلری قیته دن رواجلنگن" شو کونلرده غرب نی تورکیه تامانیدن سوریه ده اوروش نینگ اداغگه ییتکیزیلیشی اوچون آلیب باریلگن اورونشی گه یاردم چقیریغی قیلگن بیر یازوو یازدی. تورکیه نینگ میلیونلب قاچقین گه میزبانلیک قیلگن لیگینی، ترور تشکیلاتی داعش قاله ویرسه ترور تشکیلاتلریگه قرشی حربی کوچلریدن استفاده قیلگن ایلک اولکه ایکن لیگینی و تروریزمدن قوتقریب آلینگن جایلرده محلی عنصرلر بیلن بیرگه لیکده خوفسیز منطقه لر ایجاد ایتگن لیگینی ایسله تیب اوتدی.

واشنگتن ایسه کیینگه قالدیریلگن 10 ییلده هیچ بیر ییچیم تاپمه دی. ایندی ایسه سوریه بحرانی گه ینگی بیر سیاست قیدیروو اورونیشیده ایکن لیگی کوریلماقده. دموکرات بایدن باشقرووی اوچون سوریه "دموکراسی و انسان حقلری" شعارلری نینگ تیست ایتیلیشی بیرینچی پلانده ایکن لیگی کوریلماقده. ایردوغان نینگ ینگی باشقرووگه پیامی انیق. "بایدن باشقرووی کمپاین پیتیده بیرگن وعده لرینی بجا کیلتیریب سوریه ده گی بحراننی اداغگه ییتکیزیش و دموکراسینی قوریقلش اوچون بیز بیلن بیرگه لیکده ایش قیلیشی کیره ک دیر. "بایدن باشقرووی بشری یاردم توغریسیده آزگینه علاقه کورستیب و ترور تشکیلاتی پی کاکانینگ ترماغی وای پی جی نی کوپراق قوللب – قوتلب سوریه دوسیه سینی شونقه اوتکزیب یوبارگنده اوبامانینگ خطالرینی تکرار قیلگن بوله دی.

جمهور باشلیغی ایردوغان نینگ چقیریغی نه فقط امریکا قوشمه ایالتلری بیلن چیکلنمه یدی. یازوونینگ اروپا بیرلیگی رهبرلر جلسه سیدن آلدین ییتیشتیریلیشی جوده مهم. اروپا بیرلیگی نینگ سوریه بحرانی گه انیق اوله راق قنداغ بیر یانداشوو ایچیده بوله جگی معلوم ایمس. تورکیه نینگ انسانی اساسلرگه تیانگن سوریه سیاستی بولمه گنده ایدی بوگونگی کونده اروپا بیرلیگی پایتختلری نینگ همه سیده افراطی راستگرا حزبلر اقتدار بولردی.

غربی رهبرلر سوریه نینگ شمالیده خوفسیز منطقه لرگه بولگن وای پی جی هجوملریگه هم اوریلگن روس راکتلریگه هم مخالفت قیلمه دیلر. وای پی جی خوفسیز منطقه لرگه توپلم 224 ته هجوم اویوشتیردی. بولردن 64 ته سی موترگه اورنه تیلگن منفجره مواد آرقه لی هجوم، 64 ته سی منفجره مواد، 51 ته سی قوراللی هجوم، 19 ته سی هاوان و 9 ته سی راکت هجومیدن عبارت.

انقره نینگ کنترولیده گی خوفسیز منطقه لرده و ادلبده 4-5 میلیون سوریه لیک حیات کیچیرماقده. تورکیه ایچیده گی 4 میلیون مهاجرنی بونگه قوشگنده سوریه نفوسی نینگ یرمی تورکیه نینگ امنیت و باش پناهی آستیده دیر. بو حقیت هم امریکا قوشمه ایالتلری و اروپا بیرلیگی نینگ خوفسیز منطقه لرنینگ قیته قوریشی گه یاردم ایتیشی کیره ک لیگینی کورسته دی. سوریه ده انقره نینگ کوپراق تاثیرلی بولیشی غرب پایتختلری نینگ فایده سیده دیر. آخر بولسه اورته دن کوتریله دیگن وای پی جی بیلن سوریه ده گی منفعتلرینی قوریقله یالمه یدیلر.

اونینچی ییل ادغگه ییترکن سوریه بحرانی نینگ ییچیمی بیلن تیگیشلی حلی گچه انیق بیر یول ایجاد ایتیلمه گن. 21 – عصرنینگ اینگ بویوک فاجعه سی بولمیش سوریه بحرانی حل بولمه ی منطقه نینگ برقرارلیگی هم ممکن کوریلمه یدی.   

خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.

 

 

 



علاقه لی ینگی لیکلر