سوریه ده ییچیم ممکن می؟

تحلیل و تیکشیروو

1600180
سوریه ده ییچیم ممکن می؟

سوریه ده ییچیم ممکن می؟

عرب بهاریدن 10 ییل تولدی. سوریه ده گی ایچکی اوروشده هم افسوسکی 10- ییل تولدی. اولکه نفوسی نینگ یرمی بدرغه بولیب کیتدی. قریب بیر میلیون انسان حیاتینی یوقاتدی. اولکه هر بیر ساحه ده کتته ویرانلیک لرگه دوچ قالدی.

ایندی یوز بیرگن بو حادثه لرنینگ آرتیدن حقیقتن بیر ییچیم ممکن می؟

تشقی سیاست بوییچه تیکشیرووچی جا‌ن اجون نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

تونس ده باشله گن عرب بهاری انچه اولکه ده باسیم آستیده قتّیق شرطلرده حیات کیچیریب تورگن سیس سیز همجمعیت لرنی حرکت گه توشیردی. شونده ی بولیب تونتریلمس دیگن دیکتاتورلر تونتریلیب کیتدی. تونس دن کیین مصرده یوز بیردی. بیراق سوریه ده ایسه انقلاب آدیم آدیم اوروش گه ایلنیب ویرانلیک که سبب بولدی. بشارالاسد تیزیمی گه قرشی خلق قوزغالانی گه قرشی ایران و روسیه کبی اولکه لر تیزیم نینگ یانیده بولیب توردی. تیزیم بو اولکه لرگه ایشانیب عسکری مداخله لر بیلن ایچکی اوروش نی پارتلتیب یوباردی. زمان اوتگچ بعضی بیر استخبارات تشکیلاتلری نینگ قول اوروشی بیلن ترور تشکیلاتی داعش یوزه گه چیقدی. مخالفلر بیرگه لیکده حرکت ایتیش گه قیینلر ایکن غربی دولتلر ایسه سوریه مخالتفلریگه بولگن کمک لرینی تارتیب آلدیلر. تیزیم، روسیه و ایران نینگ میدانده تاثیرلی بولیشینی تامین ایتدیلر.

شونده ی بولیب فقط تورکیه نینگ قوللب – قوتلشی بیلن ایاقده قالیش گه اورونگن سوریه مخالفت گروهی ادلب و ایریم قوتقریب آلینگن منطقه لرگه قمه لیب قالگنلر. تورکیه آتگن آدیملر بیلن انسانی بحران کمه یتیریب برقرارلیک تامین ایتیش اوچون اورونماقده.

ینه فرات نینگ شرقیده گی کینگ – کولملی ساحه لر ایسه امریکا قوشمه ایالتلری – پی کاکا تامانیدن کنترول آستیگه آلینگن. دولتلر شو آن اوچگه اجره لگن وضعیتده ایکن ایچکی اورشدن قالگن کتته ویرانه بار. سوریه نفوسی نینگ یرمی بدرغه بولیب چیقرکن، اوچدن بیری ایریم اولکه لرگه مهاجر بولگن وضعیتده. اقتصاد هر بیر ساحه ده توخته لیب قالگن، بشری معناده جدی بیر غذایی مواد قیینچیلیگی یوز بیرماقده. آست قوریش و اوست قوریش اوروش و اقتصادی بحران باعث بوتونله ی چوکیب کیتگن وضعیتده.

افسوسکی عرب بهاری نینگ سونگگی ییلیده سوریه ده بونقه بیر وضعیت بیلن دوچ قالگن وضعیتده ایکن باشقه تاماندن سیاسی ییچیم اورونیشلری هم دوام ایتماقده. اینیقسه تورکیه، روسیه و ایران صلاحیتی بیلن آلیب باریلگن آستانه جریانی و شو بیلن آلیب باریله یاتگن اساسی قانون فعالیتلری انچه اهمیت گه سزاوار. بیراق شو وقتگچه کوزگه کورینر درجه ده آلغه باریلمه گن. تیزیم و متفقلری نینگ صمیمی شکلده ییچیم گه یانداشمه گن لیکلری و فقط وقت اوتکزیش گه اورونگن لیکلری کوریلماقده. ینه امریکا فرات نینگ شرقیده بیر ترور تکیلاتی بولمیش پی کاکانینگ سوریه ترماغی بولمیش پی وای دی/وای پی جی بیلن بیر کیلیشوو ایچیده ناقانونی خودمختار بیر ساحه یراتیش اورونیشیده دیر. بناً سوریه ده ایچکی اکتورلر بولسین ویا تاثیرلی تشقی اکتورلر بولسین صمیمی بیر ییچیم گه حلی هم یانداشمه گن لیکلری کوریله دی. 

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.



علاقه لی ینگی لیکلر