سوریه ده تروریزم توغریسیده بیر تحلیل یازووی

سوریه ده تروریزم توغریسیده بیر تحلیل یازووی

تشقی سیاست بوییچه تیکشیرووچی جا‌ن اجون نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

تورکیه کوتیلمه گن بیر شکلده عراق نینگ شمالیده جایلشگن غارا منطقه سیده ترور تشکیلاتی پی کاکگه قره ته آلیب بارگن عملیات بیلن تکرار علاقه لر تروریزم گه قرشی کوره ش گه ماسلشیب قالدی. 2021 ییلی تورکیه تامانیدن هم عراق همده سوریه ده کینگ کولملی علیاتلر اویوشتیریب پی کاکانی آماج قرار بیریشی کوتیلماقده دیر. ترور تشکیلاتی پی کاکا اینیقسه تورکیه و عراقده باسیم آستیده قالگن وضعیتده. بیراق ترور تشکیلاتی نینگ سوریه ده گی ترماغی پی وای دی/وای پی جی تورکیه گه تهدید بولیش گه دوام ایتماقده. ترور تشکیلاتی امریکا قوشمه ایالتلری نینگ کمکی بیلن بیر ترور دولتچه سی قوریش اوچون اورونماقده.

سوریه ده گی ایچکی بحراندن فایده لنیب سوریه نینگ شمالیده گی ساحه لرده نفوذینی کینگه یتیریش گه باشله گن ترور تشکیلاتی پی کاکانینگ سوریه ده گی ترماغی وای پی دی/وای پی جی اینیقسه 2014 –یلدن اعتباراً داعش گه قرشی کوره ش بهانه سی بیلن امریکا قوشمه ایالتلری نینگ هم حمایه سینی آلیب اولکه شمال-شرق تامانیده ادار ساختار ایجاد ایتیب تیگیشلی حاکمیت ساحه لری گه حاکم بولدی. ترور تشکیلاتی عرب عنصرلرنی هم تاثیر آستی گه آلیب ایجاد ایتگن سی دی جی چوکاتیده اولکه نینگ طبیعی منبعلرینی هم کنترول آستیگه آلدی. شونده ی بولیب هم اقتصادی وضعیتینی توزه تدی همده بسارالاسد قاله ویرسه تورکیه، روسیه و ایران گه قرشی ستراتیژیک بیر اوستونلیک اورونیشیده بولدی. بشارالاسد تیزیمی ایسه اوز اقتدارینی دوام ایتتیریش اوچون سوریه ده گی طبیعی منبعلرنی قولگه کیریتیش نینگ اهمیتینی درک ایتیب تورلی عسکری و سیاسی حمله لر گه قول اورگن بولسه هم امریکا قوشمه ایالتلری نینگ ممانعتی گه دوچ کیلدی و ناموفق بولدی. ترور تشکیلاتی اولکه نینگ طبیعی منبعلرینی کنترول آستیگه الیب بولردن عاید قولگه کیریتدی و امریکا قوشمه ایالتلری تامانیدن مالی کمک بولدی. امریکا قوشمه ایالتلری اوزی تامین ایتگن یاردملر بیرگه لیکده سعودی عربستان و بیرلشگن عرب امیرلیکلری کبی اولکه لردن هم اوز کنترولیده سی دی جی / وای پی جی گه مالی یاردم تداریک ایتیب بیردی.

موجود عسکری کنترول ساحه لریگه کوره سی دی جی/ وای پی جی شو وقت سوریه نینگ 30 فایزینی اوز ایچی گه آلگن 40 مینگ کیلومترلیک بیر ساحه نی کنترول ایتماقده دیر. سی دی جی/ وای پی جی کنترولی آستیده گی ساحه لر ایچیده حاصل خیز دهقانچیلیک میدانلری بیلن بیر قطارده طبیعی گاز، نفت و سوو منبعلری هم بار. سوریه نینگ آبی توپراقلری نینگ 50 فایزی، انرژی منبعلری نینگ 70 فایزی و سوو ظرفیتی نینگ 95 فایزی وای پی جی ترور تشکیلاتی نینگ کنترولی آستیده گی منطقه نینگ ایچیده جای آلماقده دیر.

امریکا قوشمه ایالتلری نینگ کنترولی آستیده گی منطقه ده کوچه ییشگه باشله گن و اولکه مهم اقتصادی منبعلرینی کنترولی آستیگه آلگن وای پی جی/ پی وای دی اولاً خودمختار آرتیدن بوتونله ی بیر ترور دولتچه سی قوریش گه اورونماقده دیر. تورکیه نفوذ قیلگن ساحه لرگه سیستماتیک اوله راق منفجره مواد اورنه تیلگن واسطه لر ارقه لی هجوملر اویوشتیرگن، کنترولی آستیده حیات کیچیره یاتگن نفوذگه خشونت و باسیم سیاستی عملی قیلیب بویین ایگدیریش گه اورونگن ترور تشکیلاتی کیره ک بولگنده بشارالاسد و روسیه تیزیمی بیلن هم هماهنگ بولیب حیاتگه قالیش اوچون اونیش گه دوام ایتماقده.

اینیقسه تورکیه تامانیدن آلیب باریلگن تیچلیک بولاغی عملیاتیدن کیین بو حرکت شکلی اوزینی کوپراق نمایان قیلماقده دیر. شونده ی بولیب نی سوریه نینگ حقیقت لری نه تورکیه ترور تشکیلاتی پی کاکانینگ سوریه ترماغی گه بیر ترور دولتچه سی قوروب یشش گه دوام ایتیشی گه رخصت بیرمه یدی. تورکیه تیچلیک بولاغی عملیاتی نینگ آرتیدن 2021 ییل عراق و سوریه ده ترور تشکیلاتی گه قره ته مهم حربی عملیاتلر اویوشتیریب ترور تشکیلاتی نینگ کوچینی و کنترول ساحه سینی کمه یتیریش اوچون آدیملر آتیش گه دوام ایته دی. شونده ی بولیب اینیقسه تل رفات، منبج، عین العیسی و تل تعمیر کبی ترور تشکیلاتی نینگ قولیده بولگن منطقه لر هدف آلینیشی ممکن. ترور تشکیلاتی نینگ باسیمی آستیده قالگن عرب قبیله لر و کُرد نفوس نی حمایه قیلیب ترور تشکیلاتی نینگ کوچسیزلشیشی تامین ایتیلیشی ممکن. نتیجه ده تورکیه جهتیدن ترور تشکیلاتی پی کاکا و آست تشکیلاتلشیشی نینگ نه فقط تورکیه ده چیگره داش قوشنیلر بولمیش سوریه و عراقده هم حیات تاپیشی گه رخصت بیریلمه یدی.      

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.