ترور تشکیلاتی پی کاکا عراق منطقوی کرد باشقرووی اورته سیده گی بحرانی وضعیت بیلن تیگیشلی تحللی یازووی

تورکیه نینگ پنجه – قاپلان عملیاتی آرقه لی عراق نینگ شمالیده چیتلنیب قالگن ترور تشکیلاتی پی کاکا سونگگی هفته لرده IKBY کوچلری بیلن اینیقسه KDP بیلن روپرو بولیش گه باشله دی. پی کاکانینگ منطقه ده گی کمپلری نینگ تیگره گینی ایگیریب آلگن پشمرگه کوچلری و تیگیشلی خاص کوچلر پی کاکاگه باسقیچ عملی قیلرکن، اربیل بیلن بغداد اورته سیده پی کاکانینگ سینجاردن چیقریب تشلش بولگن کیلیشوو ترور تشکیلاتی نینگ اوستی گه کتته تاثیر قالدیردی. پی کاکاگه باغلیق HPG کوچلری عراقده مستقیم پشمرگه گه هجوم اویوشتیرماقده ایکن ترور تشکیلاتی نینگ سوریه ترماغی وای پی جی ایسه چیگره خطیده پشمرگه نی آماج قرار بیردی. عین دمده KDP گه یقین ENKS نینگ سوریه ده گی دفترلریگه هجوملر اویوشتیریلدی بعضی بیرته لری اوتگه بیریلدی.  

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز .

IKBY گه باغلیق سیاسی عنصرلر اوزاق مدت پی کاکانی اوز منطقه سیگه جای بیردی. داعش گه قرشی کوره شده واسطه لشتیریلگن ترور تشکیلاتی سوریه نینگ شمال – شرقیده گی فعالیتلری بیلن هم مطرح بولیب تورگندی. کُرد کارتیدن هردایم استفاده قیلگن پی کاکا ییره ب بارگن کُرد ملیتچیلیگیدن هم استفاده قیلماقده ایدی. تورکیه نینگ برچه باسیملریگه بناً IKBY، پی کاکاگه بیر ساحه یراتیب مداخله قیلمس ایدی. بیراق سونگی آیلرده گی ینگیلیکلر IKBY اینیقسه KDP جهتیدن پی کاکانینگ بوندن آرتیق قبول لنیشی گه توسیق بولیش گه باشله دی. اینیقسه تورکیه نینگ چیگره دن تشقریده گی پنجه – قاپلان عملیاتی بیلن پی کاکانی عراقده آماج قرار بیریب باریشی و تشکیلات گه چیگره خطلریده آغیر ضربه اوروشی پی کاکانینگ حرکت شکلی گه اوزگریش کیلتیردی. ترور تشکیلاتی کوپراق جنوب گه KDP حاکم بولگن منطقه گه لرگه قره ب جایلشیش گه باشله دی. ترور تشکیلاتی تورکیه قوراللی کوچلری نینگ کوچلی عملیاتلری باعث KDP نی تورکیه گه یاردم بیریش بیلن عیبلب آغیر سوزلر ایتیش گه باشله دی.

ینه سینجارده اربیل بیلن بغداد اورته سیده بولیب اوتگن کیلیشوونی بویوک بیر ستراتیژیک تهدید اوله راق کوریب اولرگه قرشی آدیملر آتدی. کون سه یین تهدیدلرینی کوپه یتریب پیت پیتی بیلن پشمرگه گه هم هجوم اویوشتیریش گه باشله دی. شونده ی بولیب KDP نینگ کیینگه آدیم آته جگینی اویله ماقده ایدی.

پی کاکانینگ IKBY قیین وضعیتده بولگن بیر پیتده نفت پایپ لین لرینی آماج قرار بیریشی صبرنی تاشیرگن حمله بولدی. باشقرووچی نچیوان برزانی و باش وزیر مسرور برزانی پی کاکاگه قرشی کوره شده قاطع لشیش گه کوپراق تورکیه بیلن بیرگه لیکده حکت ایتیش گه باشله دی. ترور تشکیلاتی نینگ عراق نینگ شمالیده گی کمپلری پمرگه تامانیدن قمره ب آلیش گه باشلندی. ینه پیت پیتی بیلن تروریستلر آماج قرار بیریلدی. تیز – تیز پشمرگه – پی کاکا توقنه شووی یوز بیریش گه باله دی.

KCK/PKK ییتکچیلیگی کُرد همجمعیتی گه چقیریغلر قیلیب KDP نی آماج قرار بیردی. وضعیت تاباره قتّیقراق بولدی. شونده ی بولیب سوریه ده گی عنصرلرینی هم حرکت گه اوتکزدی.  

اولاً KDP گه یقین ENSK نینگ دفترلری هاسیکیده آماج قرار بیریلدی. اوغیرلندی ویا اوتگه بیریلدی. کیین وای پی جی فیش حبور چیگره خطیده پشمرگه گه هجوم اویوشتیردی.

ایندی تامانلر اورته سیده کتته توقنه شوو یوز بیریشی و ییره ب کیتیشی یقین. مسرور برزانی سونگگی بیاناتلریده فقط PKK/KCK ایمس عین دمده ترور تشکیلاتی نینگ سوریه ترماغینی هم آماج قرار بیریب امریکا قوشمه ایالتلری گه هم چقیریق قیلدی. قندیل نینگ سوریه ده گی تاثیری نینگ کوچسیزلشیشی کیره ک لیگینی اورته گه قویدی. IKBY، پی کاکا تهدیدی نینگ انیق لیگینی ایندی بیلیب آلگن وضعیتده. تورکیه قوراللی کوچلری نینگ حدوددن تشقری عملیاتلری آرقه لی جای و کوچ قولدن بیرگن KDP گه قرشی توقنشگن، سینجارنی قولدن بیره دیگن ترور تشکیلاتی اوچون عراقده سونگگی ییتیب کیلگن گه اوخشه یدی.    

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک