قاره باغ اوروشی و ارمنستان نینگ اوروش جرملری
تحلیل و تیکشیروو
قاره باغ اوروشی و ارمنستان نینگ اوروش جرملری
آذربایجان اوتیزدن آرتیق ییلدن بیری اشغال آستیده بولگن توپراقلرینی قوتقریش اوچون قاره باغده حربی عملیاتلریگه دوام ایتیب بارماقده. ارمنستان ایسه میدانده آذربایجان کوچلریگه قرشی مقاومت قیلالمه دی و گنجه کبی شهرلرنی اماج قرار بیریب تینچ اهالینی قت قیلماقده.
تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله قیله‌میز .
ارمنستان نینگ بو اوروش شکلینی معلوم بیر ستراتیژی بیلن آلیب بارگن لیگینی کورماقده میز. آذربایجاننی قاره باغدن تشقریده هم اوروش گه مجبور قیلیب روسیه بیلن قول قویگن بیرگه لیک خوفسیزلیک کیلیشووینی عملی قیلیش دیر. ارمنستان بو ستراتیژیسی بیلن انیق بیر شکلده اوروش جرمی گه قول اورماقده.
آذربایجان اردوسی قریب بیر آیدن بیری قاره باغده حربی عملیاتلرگه دوام ایتماقده. اردو اولاً شمال و جنوب تاماندن عملیاتلرینی آلیب بارماقده. شونگی پیتلرده اینیقسه جنوب – غرب تامانی مهم یوتوق قولگه کیریتدی. فضولی، جبرائیل کبی مهم مرکزلرنی قاله ویرسه رنگیلان نی هم قولگه کیریتدی و ارمنستان بیلن ایران اورته سیده گی چیگره نی بوتونله ی کیسیب تشله دی. آذربایجان اردوسی میدانده گی بو یوتوقلرنینگ آرتیدن جنوب تامانیدن شمال گه قره ب باریب لاچین گذرگاهی گه ییتیب بارماقچی. شونده ی بولیب ارمنستان نینگ قاره باغ بیلن بولگن لوجستیک گذرگاهینی کیسیب تشله گن بوله دی.
ارمنستان کوچلری نینگ جبهه گذرگاهلریده قدمه لی اوله راق مدافعه قیلیش اورونیشیده ایکن لیگینی کوره میز. بیراق اوروش نینگ بیرینچی کونیدن بیری آذربایجان اردوسی نینگ هوا حاکمیتینی قولگه کیریتیب آلیشی، تورکیه تامانیدن تامین ایتیلگن سیهالر قاله ویرسه یوقاری سویه لی تخنیکی امکانیتلرگه ایگه بولیشی ارمنستان گه قرشی جبهه ده یوتوق قازانیب بارماقده. ارمنیلر آغیر تلفات بیریب آدیم آدیم کیینگه قره ب کیتماقده.
ارمنستان میدانده اورشده ناموفق بولگنینی کورگن لیگی اوچون ایریم ستراتیژیلر بیلن اوروشده گی توازننی اوز منفعتی گه اوزگرتیش گه اورونماقده. ارمنستان باش وزیری پیشینیان بیر تاماندن پوتین، مکرون و ترامپ کبی رهبرلر بیلن تماس برقرار قیلیب بیر آتشکیسین تامین ایتیش اورونیشیده. ارمنی اردوسی ایسه آذربایجان نینگ اوروش گذرگاهیده اورین آلمه گن شهرلرینی آماج قرار بیریب آذربایجاننی اوروشنی ایریم تامانلرگه کینگه یتیریشی اوچون تحریک قیلماقده.
گنجه بیلن بیر قطارده اینچه آذبایجان شهری گه بالستیک راکت اوریلدی. حلی گچه 90 آرتیق تینچ اهالی اولدیریلدی. ارمنستان آذربایجاننی قاره باغدن تشقری اوزیگه هجوم اویوشتیریشی گه سبب بولیب بیرلیک خوفسیزلیک گروهی کیلیشووی چوکاتیده روسیه نینگ اوروشگه قوشیلیشینی خواهله یدی.
بیراق آذربایجان بو تحریکلرگه الدنمه ی قاره باغده گی اشغال آستیده گی منطقه لرینی قوتقریب آلیش گه اورونماقده. توغریسی هم بو البته. آذربایجان اردوسی تامانیدن لاچین و کلبجر اوستیدن اوته یاتگن لوجستیک گذرگاهی قولگه کیریتیلگندن کیین اوروش نینگ کوپ دوام ایته جگی ممکن بولمسه کیره ک.
تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.
