شرقی اورته ییر دینگیزیده ینگی جیوپولیتیک کوره ش

شرقی اورته ییر دینگیزیده ینگی جیوپولیتیک کوره ش

سونگی هفته لرده شرقی اورته ییر دینگیزیده یوز بیرگن ینگیلیکلر، اورته شرق و شمالی افریقادن عبارت منطقه ده گی جیوپولیتیک کوره شنی نینگ یوزه گه چیقیشینی عکس ایتتیردی. سوپر جیوپولیتیک کوره ش ساحه سی دیب اتله دیگن بو منطقه نینگ کیلگوسی جریانده کوپ اکتورلی رقابت اینگ کوپ یوز بیره دیگن منطقه لردن بیرته سی بولیشی گه شبهه یوق.  

خوفسیزلیک بوییچه تیکشیرووچی یازووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز.

شرقی اورته ییر دینگیزیده یوز بیرگن حادثه لر، اورته شرقده یوز بیرگن جیوپولیتیک رقابت نینگ بیر جریانی اوله راق دوام ایته دی. سعودی عربستان و بیرلشگن عرب امیرلیکلری منطقه ده مصر و اسرائیل نینگ متفقی اوله راق اورته ییر دینگیزیده گی رقابت گه کیرگن وضعیتده. بو جبهه نینگ اساسی مقصدی تورکیه نی اوره ب آلیش و محدودلشتیریش دیر. شونده ی بولیب بو اولکه لر یونان و روم تامانی بیلن ینگی بیر اتفاق قورگن وضعیتده. سونگی پیتلرده بیرلشگن عبر امیرلیکلری – یونان حربی سینشی نینگ بونگه مثال کورستیش ممکن.

بو بلوک نینگ اساسی مقصدی تورکیه نی اوره ب آلیش و محدودلشتیریش، ایلنتیریب آلیش، تورکیه گه قرشی جیوپولیتیک بلوک نینگ تورکیه نینگ عملیات ساحه سینی محدودلشتیرووچی سیاستلرنی جریانگه قوییشی دیر. محدودلشتیریش ایسه تورکیه نینگ حربی کوچینی توازنلشتیریب عسکری تاثیرینی کمه یتیریش دیب ایتیش ممکن. اوره ب آلیش نینگ ایلک آدیملریدن بیرته سی تورکیه نی توازنلشتیریش اوچون خلق ارا بیر ائتلاف قوریش دیرو شونده ی بولیب یونان میدیاسیده تورکیه ساووق اوروش دوریده گی سویتلر بیرلیگی بیلن تینگ کورستیلماقده. اوره ب آلیش نینگ ایککینچی بولیمینی ایسه اورته ییر دینگیز اولچگیده گی جیوپولیتیک و جیو-اقتصادی کوره ش تشکیل ایتماقده. شونده ی بولیب تورکیه نینگ لیبیا و اورته ییر حرکتلری راحتسیز بولیشلری نینگ اساسی منبعی بولگن وضعیتده دیر. تورکیه نی اوره ب آلیش اوچون ایجاد ایتیلگن اتفاقده یونان باشده بولیب فرانسه تجاوزکار آدیملر بیلن اوزیگه جای قیدیرماقده. مکرون نینگ لیوانت منطقه سیده جای قیدیریشینی بونگه قره ته اتیلگن بیر ادیم اوله راق کوریش ممکن. فرانسه اروپاده ایجاد بولگن خالیگاه نی ایسکی کوچیدن استفاده ایتیب تولدیریش و شونگه قره ب آلمان نینگ قرشیسیگه ینگی بیر چایگاه قولگه کیریتماقچی.

یونان ایسه کوپ بی معنا سببلر بیلن حرکت ایتماقده. تورکیه مرکزگه جایلتیریلگن "آیدولوژیک" هلینیستیک ستراتیزینی بیر یانگه قوییب اصل آماج، تورکیه گه قرشی یالغیز قالمسلیک اوچون کوپ تامانلی بیرائتلاف نینگگ بیر پارچه سی اوله راق اوزینی عرضه قیلیش دیر. امریکا قوشمه ایالتلری، اسرائیل، بیرلشگن عرب امیرلیکلری، مصر، فرانسه، سعودی عربستانگه علاقه کورستیشی نینگ سببی هم انه شو موضوع دیر.

شونده ی بولیب تورکیه بیلن بیر اوزی دوچ قاله دیگن بحران سناریوسی یونان نینگ قورقیشینی قیته دن یوزه گه چیقیشی گه سبب بولیشی ممکن.

محدودلشتیریش ستراتیژیسی ایسه عسکری عنصرلرنی اوز ایچی گه آلماقده. شونده ی بولیب امریکا قوشمه ایالتلری – یونان مدافعه همکارلیگی تشبثی نینگ تورکیه نی عسکری اوله راق توازنلشتیریش مقصد قیلیب الگن لیگی معلوم. بو دایره ده امریکا قوشمه ایالتلری نینگ سونگی پیتلرده آتگن آدیملرنی قطار قیلیش گه فایده بار. گیریتده جایلشگن سوئودا حربی قونلغه سینی کینگه یتیریب مودنلشتیریلیشی، لاریسا قونلغه سی نینگ مودنلشتیریلیشی کبی ینگی لیکلر بو ادیملرنینگ اینگ مهملری سنله دی. باشقه تاماندن امریکا قوشمه ایالتلری نینگ ایف-35 تداریکی توغریسیده یونانگه مثبت قره شی یونان نینگ فرانسه دن 18 ته (8 ته سی یاردم) رفاله مودل حربی اوچاق آلماقچی بولیشی کبی موضوعلر هم تورکیه نی توازنلشتیریش اورونیشلری قطاریده گی حمله لردن دیر.

باشقه تاماندن واشنگتن اداره سی نینگ روم تا مانی گه قره ته قورال چیکلاوینی کوتریب تشله گن لیگینی بیلدیریشینی هم رویخط گه الیش کیره ک. حاضرچه امریکا قوشمه ایالتلری تامانیدن روم تامانی گه قورال آغیر قوراللر تامین ایتیشی کوتیلمه یدی. بیراق بونقه حمله لرنینگ تورکیه نی قولدن بیریش و قبرس آرقه لی تورک الترناتیفلری نینگ عملی قیلیش معناسیگه کیلگنینی همه تخمین قیله دی. شونده ی بولیب 1997 بحرانینی ایسله تیش یخشی بوله دی. روم اداره سی نینگ روسیه دن ای-300 آلیش گه حرکت قیلگنیده تورکیه نینگ هم آرالنی بلوک لشتیریشی همده مداخله قیلیشینی کورستیشی نتیجه سیده روم اداره سی راکتلرنی یونانگه بیریش گه مجبور بولیب قالگندی.

تورکیه نینگ اوره ب آلینیشی و محدودلشتیریشی حاضرچه سیاسی بیر پروزه دیر. پروزه نینگ عملی قیلینیشی اینگ کوپ ناتوگه ضرر یتکیزه دی. شرقی اورته ییر دینگیزی شو معناده اینگ مهم تیست مرکزی وضعیتی گه ایلندی. شرقی اورته ییر دینگیزده بوندن بویان جیوپولیتیک، جیواقتصادی و عسکری بحرانلر تیز-تیز یوز بیریب توره دی. بو بحرانده قرارلی و صبرلی بولگن یوتوق قازانه دی.      

خوفسیزلیک بوییچه تیکشیرووچی یازووچی مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.