ادلبده تحریک

ادلبده تحریک

سوریه ساحه سیده کتته اولچکده توقنه شوولر یوزمه بیرگن پیتده هم هر ان مهم ینگی لیکلر یوز بیرماقده، انچه داخلی و خارجی اکتورلر اوز منفعتلریگه بناً عسکری و سیاسی حمله لر قیلماقده لر. سیکیز ییل نی آرقه گه قالدیرگن سوریه ده گی ایچکی اوروش دینامیک بیر جریان بیلن دوام ایتیب بارماقده. بعضی بیر اکتورلر اوز منفعتلریگه کوره اویین قورماقده ایکن، بعضی بیرته لری ایسه اونی اوتیب باره دیگن حمله لرقیلیب اولکه ده گی بحرانگه سرمایه کیریتیش گه قول اورماقده. سونگی پیتلرده ادلبده تورک – روس مشترک گزمه سینی آماج قرار بیریلیشی شو معناگه کیله دی دیب کوریش ممکن.    

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز .

مخالفلرنینگ سونگی قلعه سی بولمیش و قریب 3.5 میلیون انسان حیات کیچیریب تورگن ادلب تیزیم و حمایه گرلری نینگ هدفی گه دوچ قالگن شونده ی بولیب یوز بیرگن توقنه شوولرده یوز مینگلب انسان اوی – جاییدن بدرغه بولگن و یوز مینگلب ته سی حیاتینی یوقاتگندی. بو هجوملر آخر تورکیه نینگ اره لشیشی بیلن توخته تیلگن دیر، تورکیه بیلن روسیه اورته سیده بولیب اوتگن بیر کیلیشوو بیلن بیر آتشکیسین عملی قیلینگندی. شونده ی بولیب تورک – روس حربیلری ستراتیژیک m4 قتناو یولیده گزمه گه باشله گندی و آدیم آدیم بو ساحه ییره ب بارگندی.

ادلب منطقه سیده اوتکزیلگن 20 – مشترک گزمه نینگ الباب گه ییتیب باریشی نینگ آرتیدن اوتکزیلگن 21- مشترک گزمه نینگ مسکوده تعیین قیلینگن گزمه گذرگاهی نینگ همه سینی اوز ایچی گه آلیشی و مشترک گزمه لرنینگ موفق بولیشی کوتیلماقده ایدی. بیراق گزمه گذزگاهیده روس حربیلریگه قره ته موتر آرقه لی هجوم اویوشتیریدی. و تورکیه بیلن روسیه کیلیشیب آلگن گزمه گذرگاهی نهای بولالمه ی قالدی.

هجوم نی "خطاب شیشانی" آتیده گی بیر گروه بوینی گه آلدی. تشکیلات تامانیدن قوللنیلگن "خطاب شیشانی" روسیه جهتیدن معنالی دیر. شونده ی بولیب چیچنلرگه اوخشه تیلگن بو گروه روسیه گه مستقیم بیر پیام بیرگندیک ادلب بولسین ویا سوریه نینگ ایریم مخالف منطقه لری بولسین خطاب شیشانی آتیده بیر تشکیلات بولمه گن لیگینی تیکیشریب چیققنده مهم سوال مطرح بوله دی. فقط کاغذده بولگن لیگی انیقلنگن بو تشکیلات خراصه الدین آتیده گی القاعده علاقه لی ساختار آتیدن بو هجوم گه قول اوریلگن احتمالی بولگن حالده تورک – روس کیلیشووینی بوزیب تشلش نی آماجله گن اوچونچی بیر اکتورنینگ ایشی بولیش احتمالی هم موجود.

شونده ی بولیب روس هوا کوچلری ادلبده گی هجوم نینگ آرتیدن کوپلب هوا عملیاتی اویوشتیریب ادلبده گی مخالف گروهلرنی بمباردمان قیلیب عین دمده الباب شهرینی هم هم اوریب بیر قطار تینچ اهالی نینگ حیاتینی یوقاتیشی گه سبب بولدی. روسیه حربیلریگه قره ته اویوشتیریلگن هجوم نی بیر فرصت گه ایلنتیریب تورکیه طرفداری معتدل مخالفلرنی بمباردمان قیلیشی مسکو کیلیشووی نینگ قنچه نازوک ایکن لیگینی کورستماقده. سوریه ساحه سیده تورکیه و روسیه نینگ اویین وقریشی گه توسیق بولماقچی بولگن داخلی و خارجی اکتورلرنینگ هم بیکار تورمه گن لیگینی و تحریکی حرکتلر بیلن جریان گخ خلل اوتکزیش اورونگن لیگی ینه بیر مرته کوریلدی.   

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.