گلوبال اوزگریش نینگ قیینچیلیکلری
تحلیل و تیکشیروو
گلوبال اوزگریش نینگ قیینچیلیکلری
ینگی تور کرونا‌ویروس نینگ ترقه‌لیشی بوتون دنیا اوچون تولیق شوککه سبب بولدی. اوشبو شوک امریکا قوشمه ایالتلریده‌گی نمایشلر بیلن ینه هم کوچه‌یگنگه اوخشه‌یدی. بعضیلری نینگ نقطه نظریدن، اوشبو کسل لیک خلق‌ارا همجمیعت اوچون ایکّینچی جهان اوروشیدن بیری کورگن اینگ کینگ – کولملی بحرن دیر.
خوفسیزلیک بوییچه تیکشیرووچی یازووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله قیله‌میز.
گرچه بحران گلوبال ساغلیقنی سقلش بیلن باغلیق بولسه-ده، خلق‌ارا سیاستده اوزاق وقتدن بیری بحث قیلینیب کیلگن موضوعلریدن بیری بولگن دنیا ترتیبینی محاکمه‌سی نینگ تکرار اوج آلیشیدیر . بعضیلری نینگ ایتیشیچه، چین رهبریتیده ینگی دنیا ترتیبی یوزه گه چیقیشی تخمین قیلینماقده. باشقه‌لری امریکا قوشمه ایالتلری رهبریتی یوق بولیشیگه سبب بوله‌دی دییه ادعا ایتماقده. بعضیلری نینگ ایتیشیچه، کسل لیک گلوبال لشوو‌نی توگه‌ته‌دی؛ اَیریملر ایسه گلوبال همکارلیک اوچون ینگی بیر دورنی باشله‌تیشینی امید قیلماقده.
تخمینلر اولر بیلن هم چیکلنمه‌یدی. کسل لیک ملي مقیاسده ملتچیلیکنی کوچه‌یتیریشی، گلوبال سودا ترماقلرینی ضعیفلشتیریشی و تورلی مملکتلرده رژیم اوزگریشیگه آلیب کیلیشینی تخمین قیلماقده‌لر.
بو اوزگریشلر نینگ برچه شماللریدن خلق‌ارا سیاست تأثیرلندی. بیراق، کرونا کسل لیگی گلوبال ترتیبنی توبدن اوزگرتیریشگه آلیب کیله‌دی دیب دعوا قیلیشی جوده قیین.
حاضرگی بحران گلوبال کوچ قابلیتینی قَیته تقسیملش بیلن باغلیق بیر قیینچیلیکدن ایمس، بلکه گلوبال باشقروو دوچ کیلگن بحران صفتیده پیدا بولیب دوام ایتگندیر.
احتمال، اوشبو بحران حاضرگی گلوبال ترتیبنی اوزگرتیریش جریانیگه ینه‌ده قتّيقراق باسیم اوتکزیشی ممکن. بیراق، کرونا‌دن کیینگی دنیا نه ینگی چین تینچلیگی، نه امریکا تینچلیگی نینگ تیکلنیشیگه گواه بوله‌دی. عکسینچه، ایکّله کوچ بیر-بیری بیلن مسابقه‌ده ضعیفله شیب باره‌دی و ینه‌ده موازنتلی دنیا ترتیبینی یره‌تیش اوچون کوپراق امکانیتلر یوزه گه چیقه‌دی. اینگ مهمی، امریکا قوشمه ایالتلری و چین اورته‌سیده‌گی جیوپولیتیک و اقتصادي کوره‌ش نینگ مضمونی و مقیاسیگه قره‌ب، خلق‌ارا تیزیم نینگ عمومي کرکتری و منطقوي قویی تیزیملرده‌گی جیوپولیتیک رقابت ینگی دورده فرق قیله‌دی.
خلق‌ارا مقیاسده بحران گلوبال مقیاسده اقتصاد نینگ قیسقه‌ریشی صفتیده حس قیلینه‌دی. جهان اقتصادیده تیکلنیش و نورما‌للشیش جریانی ایسه کسل لیک نینگ قچان توگه‌شیگه قره‌ب دوام ایته‌دی.
باشقه تاماندن، امریکا قوشمه ایالتلری-چین رقابتی بعضی بیر جیوپولیتیک عاقبتلرگه آلیب کیله‌دی. امریکا قوشمه ایالتلری نینگ چینگه نسبتاً قتّيق یانداشوو مناسبتنی قبول قیلیش آرقه‌لی ینه‌ده قتّيق یانداشوو استراتیژيسینی قبول قیلیشی آسیا-تینچ اقیانوسی جیوپولیتیک و خوفسیزلیک معمالرینی چوقورلشتیریشگه امریکا قوشمه ایالتلری نینگ بعضی خلق‌ارا شرطنامه‌لر و ااداره لردن چیقیش آرقه‌لی گلوبال باشقروو مسأله‌لرینی ینه‌ده فرقلی قیلیشگه آلیب کیله‌دی.آسیا-تینچ اقیانوسی منطقه‌سیده جایلشگن ناانیقلیکلر چین نینگ اوخشه‌ش استراتیژينی اوزلشتیریشی بیلن امریکا قوشمه ایالتلری استراتیژيسینی تینگ روشده موازنتلشتیره‌دیگن کوچیریش استراتیژيسی نینگ قبول قیلینیشی بیلن ینه‌ده کوپه‌یه‌دی. اوشبو رقابت نتیجه‌سیده گلوبال جیوپولیتیک محیط توزیلیشگه ایگه بوله‌دی.
شونده ی بولیب امریکا قوشمه ایالتلری-چین اساسیده‌گی قتّيق رقابت باشقه منطقوي قویی تیزیملرگه سلبي تأثیر کورسه‌تیشی ممکن. شو سببلی، اروپا بیرلیگی، ترا‌نس ا‌تلانتیک مناسبتلر، یقین شرق و جَنوبي آسیا مقیاسیده‌گی جیوپولیتیک تیبره‌نیشلر خیالی جوده یوقاریدیر. بیراق، بولر نینگ برچه‌سی دنیا ترتیبی نینگ توگه‌شینی اعلان قیلیش اوچون ییترلی ایمس.
کرونا کسل لیگی دنیانی قنده‌ی اوزگرتیریشی امریکا قوشمه ایالتلریده نیمه بولیشیگه بی‌واسطه باغلیق. سونگگی نمایشلر نتیجه‌سیده پیدا بولگن یاریقلر امریکا قوشمه ایالتلری نینگ گلوبال ییتکچیلیگینی ینه‌ده ضعیفلشتیره‌دی. کرونا نینگ تأثیری بیلن ینگی بیر سیاسي زمین شکللنگن وضعیتده. بو زمین امریکاده عرقچیلیککه قرشی نمایشلر صفتیده پیدا بولر ایکن، باشقه حدودلرده باشقه سببلر بیلن پیدا بولیشی و کینگ ترقه‌لیشی ممکن.
خوفسیزلیک بوییچه تیکشیرووچی یازووچی مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.
