ادلب و قوتقریلگن منطقه لرنینگ کروناویروس گه قرشی کوره شی

ادلب و قوتقریلگن منطقه لرنینگ کروناویروس گه قرشی کوره شی

کروناویروس دنیاگه کینگ – کولملی ییره ش دوام ایتماقده. شونده ی بولیب اوزاق مدتدن بیری ایچکی اوروشدن زیان کورگن سوریه ده ییتکیزه دیگن زیان کتته خواطر یراتماقده. بشارالاسد تیزیمی و ترور تشکیلاتی پی کاکانینگ کنترولی آستیده گی منطقه لر بیلن بیرگه لیکده ادلب و ایریم قوتقریلگن منطقه لر اوچون هم کروناویروس جدی شکلده قولگه آلینیشی شرط. تورکیه قنچه هم بو منطقه لرگه برچه امکانلری بیلن یاردم ییتکیزیب بیرسه هم باشدده دنیا ساغلیقنی سقلش گروهی قاله ویرسه خلق ارا همجمعیت، ویروس گه قرشی کوره ش بوییچه بیش میلیوندن آرتیق انسان یشه یاتگن تورلی منطقه لرگه یاردم قیلیش گه مجبور.

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز .

اوزاق ییللردن بیری قتتیق اوروشلرگه دوچ قالگن ادلب و تورکیه توغریدن – توغری کنترول آستیگه آلگن عفریندن راس العین گچه قوتقریلگن منطقه لرده بیش میلیوندن آرتیق تینچ اهالی جان قوتقریش کوره شی ایچیده دیر. تیزیم و ترور تشکیلاتی پی کاکانینگ وقت وقتی بیلن هجوملریگه دوچ قالگن بو منطقه لر شو وقت کروناویروس گه دوچ قالگن. تورکیه قنچه هم مخالف منطقه لرگه برچه امکانلری بیلن طبی یاردم ییتکیزیب بیرسه هم نفوس کوپلیگی و اوروش شرطلری گه قره گنده حلی هم جدی قیینچیلیکلر موجود. ادلبده وضعیت وخیمراق. بو منطقه ده اوچ میلیوندن آرتیق انسان یشه ماقده. 2019 – ییل اگست آییدن بیری تیزیم، روسیه و ایران هدف آلگن وضعیتده. منطقه گه اویوشتیریلگن عسکری حرکاتلرده کمیده بیر یریم میلیون انسان اوی – جاییدن بدرغه بولرکن، بولرنینگ بیر میلون ته سی تورکیه ادلب حدود گذرگاهیده گی کمپلرده قیین شرطلرده یشه ماقده. ینه اوچ یوز مینگ ادلب لیک ایریم قوتقریلگن منطقه لرده مهاجر بولیب کیتگن. ینه حرکات مدتی دوامیده منطقه ده گی ساغلیغ تیزیمی شفاخانه و پولکلینیک لر تیزیم و حمایه گرلری تامانیدن نشان آلینگن. دنیا ساغلیقنی سقلش گروهی نینگ راپورلریگه کوره، منطقه ده گی 300 ساغلیق مرکزی نینگ کمیده یرمی بو هجوملرده یوق بولیب کیتگن.

نتیجه ده ساغلیق ساحه لری نینگ قریب یوق بولیب کیتیشی، نفوس کوپلیگی و مهاجرلر کمپیده گی شرطلر، اجتماعی یقینلیک مصافه سی نینگ عملی بولمه ییشی ادلب نی کرونا قرشی سیگه ضعیف قیلیب تنشله یدی. شونده ی بولیب خلق ارا جمعیت برچه امکانیتلری بیلن ادلب و ایریم مخالف منطقه لرگه یاردم ییتکیزیب بیریش گه مجبور. عکسی حالده یوز مینگلب انسان نینگ حیاتینی یوقاتیشی ممکن.

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.