نفت اوروشی

نفت اوروشی

        Opec plus دیب اته لگن Opec  نینگ اعضالری بیلن روسیه تامانیدن ایجاد ایتیلگن ad hoc اوزاق مدتدن بیری عرض طلب توازنینی برقرار قیلیب نفت نرخلرینی معقول سویه گه توتیب تورگندی. اینیقسه امریکالیک قایا نفتی ایشلب چیقرووچیلری نینگ تولیدی آرتگن سری Opec plus اعضالری بازارده گی سهمیه لرینی قولدن بیریش گه باشله دیلر. شونده ی بولیب نرخ استقراریده فرقلی لیک یوز بیرگن بولسه هم ینه ده بونی دوام ایتتیریش گه موفق بولدیلر. بیراق کرونا ویروسی سبب بولگن ینگی دالغه برچه اولکه لرگه تاثیر قالدیرگن شو وقتده گلوبال اقتصادگه زیان ییتگن لیگی و ینگی بیر جریان باشله گن لیگی کوریلدی. شونده ی بولیب نفت بازاریده طلب کمه یدی و Opec plus  الکه لری هم موجود همکارلیک نی هم دوام ایتتیرالمه دیلر عین دمده باشقرووی روسیه بیلن سعودی عربستان نینگ قولیده بولگن بیر کوچ سینش گه ایلندی.

ایندی موضوع بیلن تیگیشلی اوله راق تشقی سیاست بوییچه تیکشیرووچی یازووچی جان اجون نینگ یازووینی تقدیم ایته میز.

        چین نینگ ووهان شهریده یوزه گه چیقیب دنیاگه ییره ب بارگن کرونا ویروسی گلوبال ساغلیق خطری قاله ویرسه اقتصادگه هم کتته تاثیر قالدیردی. چین بیلن بیر قطارده انچه رواجلنگن اولکه نینگ اقتصادیگه تاثیر قالدیرگن کرونا ویروسیدن کیین تولید کونسایین کمه ییب باردی. قرنطین آستیگه آلینگن انسانلر هم خرجتینی کم قیلیش گه باشله دی. بو ایسه البته نفت قاله ویرسه برچه محصولاتلرنینگ مصرفلرینی کمه یتیریش گه باشله دی. آی ایم ایف و ایریم خلق ارا موسسه لر و بانکلرنینگ راپورلریگه کوره گلوبال بیر حرکتسیزلیک ممکن. شونده ی بولیب نفت طلبی نینگ 2020 ییلی جریانیده جدی معناده کمه ییشی ایتیلماقده. دنیا انرژی آژانسی نینگ توقعی کونده لیک کمیده 3-4 میلیون واریل نفت طلبی قوییگه باره دی.

        نفت بازاریده طلب بودرجه ده توشیش کوتیلماقده ایکن، امریکا قوشمه ایالتلری نینگ اوزاق مدتدن بیری قایا نفتی ایشلب چیقریشی دوام ایتماقده. امریکا قوشمه ایالتلری کونده لیک 12-13 میلیون واریل ایشلب چیقریش گه باشله دی. رواجلنیب بارگن قایا نفتی و گازی بیلن تیگیشلی تکنالوژیلر تولید خرجتلرینی قوییگه آلیب بارماقده. طلب و عرض بوییچه تاثیری ایشلب چیقرووچیلر سعودی عربستان و روسیه بیلن بیر قطارده بویوک بیر رقابت گه سبب بولدی.

        سعودی عربستان Opec plus  کیلیشووی نینگ دوام ایتیشینی حتی قوشیمچه اوله راق 1،5 میلیون واریل تولید کمه یتیریلیشینی خواهله دی. روسیه ایسه عرض نینگ توخته تیلیشی نینگ امریکا قوشمه ایالتلری کبی رقیبلری نینگ منفعتی گه ایکن لیگینی و کونسایین بازارنی قولدن بیرگن لیگینی کوریب ینگی بیر کیلیشووگه قول قویماقچی بولمه دی. وینده اویوشتیریلگن Opec  جلسه سی موفق بولمه گن لیگی باعث رقابت باشله دی. هم روسیه همده سعودی عربستان تولیدنی کوپه یتیریب بازار سهمیه لرینی آرتیریش اوچون بیر یول تعقیب ایته جکلرینی بیلدیردیلر. بو ایسه نفت نرخلرینی آنیدن 30 فایز قوییگه کیتیشی گه سبب بولدی. تیگیشلی متخصص فکرلری نفت نینگ 20 دالرگچه توشیشینی افاده ایتماقده. شونده ی بولیب نفت تولید قیلووچی اولکه لرنینگ کتته بیر قاتصادی بحرانگه دوچ کیلیشینی کوراله میز.    

  موضوع بیلن تیگیشلی اوله راق تشقی سیاست بوییچه تیکشیرووچی یازووچی جان اجون نینگ یازووینی تقدیم ایتدیک.