ادلب اوچون تورکیه تامانیدن بشارالاسد تیزیمی گه بیریلگن مهلت تولیب بارماقده
تحلیل و تیکشیروو
ادلب اوچون تورکیه تامانیدن بشارالاسد تیزیمی گه بیریلگن مهلت تولیب بارماقده
ادلبده گی انسانی بحران کونسایین دوام ایتیب بارماقده. سونگی آیلرده اوی- جایلریدن بدرغه بولگنلرنینگ سانی بیر میلیوننی آشیب کیتدی. رژیم و شیعی جنگریلر ییردن و روسیه ایسه هوادن هجوم اویوشتیریش گه دوام ایتماقده. فقط مخالف عسکری گروهلر ایمس، تینچ اهالی و مسکونی منطقه لر هم نشان آلیب اوریلماقده. تورکیه ایسه ادلبده گی بشری بحراننی توخته تیش اوچون سیاسی و عسکری آدیملر آتیش گه دوام ایتماقده. جمهور باشلیغی ایردوغان تامانیدن بشارالاسد تیزیمی گه بیریلگن مهلت نینگ سونگی گه ییتب کیلماقده میز. تورکیه روسیه بیلن اوچره شوولرگه دوام ایتیب بحرانگه ییچیم تاپیش گه اورونماقده ایکن، کیره کلی عسکری آدیملرنی آتیش بوییچه هم قرارلی شکللی.
ایندی موضوع بیلن تیگیشلی اوله راق تشقی سیاستلر بوییچه تیکشیرووچی یازووچی جان اجون نینگ یازووینی تقدیم ایته میز.
ادلبده گی توقنه شوولرنینگ ایککی ته اساسی جبهه ده دوام ایتیب تورگنینی کورماقده میز. بیرینچیسی ستراتیژیک اهمیتی بولمیش نیراب – سراکب خطی. بو منطقه ده کتته قتناو یوللری بیرلشگن مهم مسکونی جایلر موجود. بیر مدت آلدین تیزیم کوچلری قتتیق روسیه هوا هجوملری نینگ همکارلیگی بیلن بو منطقه لرنی قولگه کیریتیش گه موفق بولگندی. ایندی تورک قوراللی کوچلری نینگ همکارلیگی بیلن مخالف کوچلری هجومگه کیریشدی و نیراب نی تکرار آزاد قیلیش گه موفق بولدی. آرتیدن سراکب منطقه سیگه ایلگریلش گه باشله دی. رژیم و شیعی جنگریلری نینگ قتتیق تلفات بیرگن لیگی بیلن تیگیشلی ساحه راپورلری بار. تورکیه نینگ حرب خرجتینی یوقاری کوتریشینی عکس ایتتیرماقده.
توقنه شوولر دوام ایتیب تورگن ایککینچی جبهه ایسه جبت الزاویه نی هم اوز ایچی گه آلگن جنوبی ادلب دیر. تیزیم کوچلری نینگ بو منطقه دن شمالگه قره ب ایلگریلب قتناو یولگچه بارماقچی ایکنلیگی کوریلماقده. تورک اردوسی مخالفلرنی قوللب – قوتلش مقصدی بیلن بو ساحه ده جایلشگن وضعیتده. رژیم کوچلری بیرنیچه قشلاق نی قولگه کیریتر ایکن بوندن ایلگری بارالمه دی.
میدانده گی عسکری ساحه ده یوقاریده گی وضعیت بولیب تورگن حالده میزنینگ اطرافی هم حرکتلی بولیب اوتماقده. تورکیه بیر تاماندن روسلر بیلن مذاکره لر آلیب بارماقده، باشقه تاماندن ایسه خلق ارا همجمعیت نی ادلب توغریسیده حرکت گه اوتکزیش اوچون اورونماقده. اینیقسه امریکا قوشمه ایالتلری و اروپانینگ بیر قطار دولتلری بیلن دیپلوماسی مناسبتلر ارقه لی روسیه و ایرانگه قرشی بیر باسیم آلیب کیلتیرماقچی.
ادلب بوییچه امریکا قوشمه ایالتلری و اروپالیک دولتلرنینگ منفعتلری نینگ بیر سان ایکن لیگی کوریلماقده. اروپالیک دولتلر قاچقینلر معماسی بوییچه حساسیت کورستماقده ایکن امریکا قوشمه ایالتلری ایسه سوریه ساحه سیده تیزیم، ایران و روسیه نینگ یوتوق قولگه کیریتیشینی خواهله مه یدی. لیکن بو جایده شو سوال مطرح بوله دی. امریکا قوشمه ایالتلری تورکیه گه فقط کورینیشده می همکارلیک آدیملری تشله یدی ویا حقیقتاً ادلب توغریسیده آغیرلیگینی حس ایتتیره دی می؟ امریکا قوشمه ایالتلری ادلب توغریسیده منفعتلرینی سقله ماقچی بولسه عملی آدیملر آتیشی شرط.
موضوع بیلن تیگیشلی اوله راق تشقی سیاستلر بوییچه تیکشیرووچی یازووچی جان اجون نینگ یازووینی تقدیم ایتدیک.
