سونگی پیتلرده دولتلر اوروشلرده معاشلی حربیلردن ایش آلینماقده

اورته شرق قاله ویرسه توقنه شوو منطقه لریده سونگی ییللرده دولتلر توغریدن – توغری روپه رو بولمه ی وکالت عنصرلری آرقه لی وقت – وقتی بیلن معاشلی خاص اردولردن ایش آلماقده لر. امریکا قوشمه ایالتلری نینگ BlackWater شرکتی بیلن روسیه نینگ Wagner شرکتی بیرینچی اسم اوله راق کوریلماقده. روسیه Wagner شرکتی ارقه لی سوریه، لیبیا، اورته افریقا حتی ونزوئلا کبی اولکه لرده هم میدانده گی متفق گروهلرنی قولب – قوتله ماقده همده اوز نفوذ ساحه سینی کینه یتیریب بارماقده دیر.    

موضوع بیلن تیگیشلی خوفسیزلیک بوییچه تیکشیرووچی جان اجون نینگ یازووینی تقدیم ایته میز.

        بوگونگی کونده اوروش و توقنه شوولرنینگ تخنیکی اوزگریب هایبرتلشیشی و شونده ی بولیب خوفسیزلیک و مدافعه موسسه سی نینگ خصوصی لشیشی و بازار بیلن اره لشیشی ینگی شکل اوروشلرنی یوزه گه چیقرماقده دیر. خصوصی عسکری شرکت مفکوره سی نینگ یوزه گه چیقیشی و بوگونکی کونده رواجلنگن و رواجلنماقده بولگن انچه اولکه تامانیدن قوللنیلیشی هم بو جریان نینگ نتیجه سیده وضعیتیده بولیب تورگن. اولکه لرنینگ خصوصی سکتورلر بیلن بیرگه لیکده حرکت ایتیشی بیلن باشلنگن خصوصی عسکری شرکتلر اوروشلرده اورین آلیب خوفسیزلیک و مدافعه سیاستلریده ایش آلینیب باشلنگن دیر.

        امریکا قوشمه ایالتلری قاله ویرسه روس خصوصی عسکری شرکتلری و خوفسیزلیک شرکتلریدن ایش آلیش سونگی پیتلرده ییره ب باریشی بو شرکت لرنینگ اینیقسه اورته شرق و شمالی افریقاده گی فعالیتلری خلق ارا میدانده علاقه لرنی اوزیگه ترتیب آلماقده دیر. بولردن اینگ مطرح بولگنی واگنر گروهی دیر. شرکت نینگ دولتدن تشقری قوراللی گروه اوله راق سوریه و لیبیاده گی ایچکی اوروشلرگه اره لشیب اکتیف رول آلگن لیگینی کورماقده میز.

واگنر گروهی نینگ ایگه سی نینگ کرملین بیلن یقیندن علاقه سی بولگن لیگی و حتی اونگه باغلیغ کونکورد فود کترینگ Concord Food Catering نینگ کرملین گه ییم لیک (غذا) سرویس قیلگن لیگی باعث "پوتین نینگ آشچیسی" لقبی بیریلمیش تنیقلی سوداگر یوفگنی پریگوجین Yevgeny Prigojin  ایکن لیگی ایتیلماقده. گروپ نینگ عسکرلری نینگ اورته آسیا، بالقانلر و قفقاز اولکه لریدن 35-50 یاشلریده گی ایسکی عسکرلردن عبارت ایکن لیگینی ایتیش ممکن. تیکشیروو عسکری کدرلری نینگ کوپراغی نینگ چچنیا، کرجستان و ایریم منطقه لرده اوروشگن و قیزیق توقنه شوو تجربه سی بولمیش عین دمده مادی قیینچیلیگی بولمیش کیشی لردن ممکن ایکن لیگی کوریلماقده. واگنر گروپی نینگ منظم کدری بولمه گن حالده عسکری منسوبی نینگ 5 مینگ اطرافیده ایکن لیگی ایتیلماقده دیر.

        روسیه نینگ 2015 – ییلی سپتامبر آییده سوریه ده عسکری اوله راق اره لشیشی بیلن ساحه ده رول آلیش گه باشله گن واگنر گروبی نینگ سوریه ده تورلی فعالیتلر قیلگن لیگی انیق. ستراتیژیک موسسه لری؛ گاز و نفت ساحه لرینی قوریقلش عین دمده حربی اوله راق سوریه نینگ انچه منطقه سیده اوروشگنلیکلری هم مطبوعاتگه انعکاس قیلگن دیر. روسیه سوریه ده گی قولگه کیریتگن یوتوقلرینی شرقی آق دینگیز و افریقا قاره سیده هم دوام ایتتیریش نی خواهله گن دیر. حفتر جبهه سیده گی خالیگاهدن یخشی فایده لنیب لیبیاده دوام ایتیب تورگن اوروش نینگ مهم اکتورلریدن بیرته سی بولگن دیر. شونده ی بولیب 2020 گه کیلگنده لیبیا ملی کیلیشوو حکومتی بلین حفتر اورته سیده گی آتشکیسین نینگ باشقرووچیسی اوله راق اورته چیقماقده دیر. نتیجه ده اوروشلر و توقنه شوو جیهتلری نینگ طبیعتی اوزگریب بارگن شو وقتده روسیه ینگی بیر جریانگه کیریب واگنرکبی شرکتلر آرقه لی اوزیگه حرکت ساحه سی قولگه کیریتیش گه اورونماقده دیر.     

موضوع بیلن تیگیشلی تیکشیرووچی جان اجون نینگ یازووینی تقدیم ایتدیک.