کرد سیاستی
تحلیل و تیکشیروو 35
تحلیل تیکشیروو 35
کُرد سیاستی
غرب و تورکيه خلقی نینگ بعضی قتلملری پی کاکا یاکه پی کاکا گه یقین بولگن خلقلر نینگ دموکرا‌تیک حزبینی اوجرلیک بیلن «کرد حرکتی»، «کرد سیاستی» دیب تیلگه آلیشدن واز کیچمه‌یپدی. بونده‌ی افاده‌لر آرقه‌لی ترور تشکیلاتی و ترور تشکیلاتی بیلن علاقه‌سی بار سیاسي حزب، بیر خلق نینگ «حرکتی» یاکه «سیاستی» صفتیده قولگه آلینماقده.
انقره ییلدیریم بایزید بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایته میز.
پی کاکا، دنیا نینگ تورلی دولتلریده شو جمله‌دن تورکيه، سوريه، ایران و عراقده تورلی ناملر آستیده تشکیلات صفتیده توخته‌مه‌ی، غرب دولتیده ایسه علیحده-علیحده، وقتی-وقتی بیلن ترور هجوملریگه قول اورماقده. پی کاکا ترور تشکیلاتی نینگ بو هجوملری عاقبتیده تینچ اهالیدن هم، عسکرلردن هم، عیال-ایرکک، کتّه-کیچیک دیمه‌ی مینگلب انسان جان بیرر ایکن، میلیونلب انسان اوز اوی-جایینی ترک ایتیشگه مجبور بولدی. بو وضعیت بوگونگی کونده هم دوام ایتماقده. یقین شرقنی شکللنتیریشنی خواهله‌گن کوچلرنینگ اورته‌مچیسی صفتیده پی کاکا ترور تشکیلاتینی کردلر نینگ وکیلیدیک کورسه‌تیش سعی-حرکتی، البته فقط‌گینه اولرنینگ سیاستیدیر. تورکيه، سوريه، عراق و ایراننی بولیش آرقه‌لی اوزاق عصرلردن بویان تورک و عربلر بیلن بیرگه‌لیکده اسلام دینی نینگ بیراغینی کوترگن کردلرنی، اولر اساس سالماقچی بولگن ترور دولتی بیلن، اسرائیل نینگ خوفسیزلیگیگه خدمت قیلدیریشنی خواهله‌گن امپریالیست محیطلر و اولرگه ایله‌شگن اکادمیکلرنینگ، یازووچیلر نینگ یانده‌شوولری هم همه‌گه معلوم. لیکن بو ناتوغری کوزقره‌ش هیچ قنده‌ی عاقلانه ، علمي یاکه اجتماعي مضمونگه ایگه ایمس. همه آلمانلرنی، عربلرنی، تورکلرنی بیرته حرکت یاکه سیاست دیب قولگه آلیشلیک قنچه‌لیک عاقلانه و علمي یاندشوو بولسه اونده کردلر نینگ همه‌سینی بیرگه‌لیکده قولگه آلیشلیک هم بیر خیل یانده‌شوو حسابلنه‌دی. اوز ایچیگه میلیونلب، تورلی-تومن خلقنی قمره‌ب آلگن ییریک مملکتلرنی بیر بوله‌ک صفتیده قولگه آلیشلیک توتالیتار کوز قره‌ش نینگ کورسه‌تکیچیدیر. «کرد سیاستی» افاده‌سیدن یولگه چیققودیک بولسه اونده اینگ اوّلا شونی نظرده توتیشیمیز شرط یعنی کردلر نینگ همه‌سی تورکيه‌ده‌گی کردلردن عبارت ایمس. کردلر تورکيه‌دن تشقری ایران، عراق، سوريه و غرب دولتلریده هم باردیر. کردلر دیگنده اولر نینگ همه‌سینی اعتبارگه آلیشیمیز شرط. هه، البته، دولتلر حقیده گپیریشیمیز ممکن. لیکن خلق صفتیده ایتالیا‌ن، فرانسوز، تورک سیاستی دیییش ممکن می؟ تورکلر سیاستی؟ تورکيه‌ده‌گی کردلر نینگ سیاستی نظرده توتیلگن بولسه اونده هر بیر حربي بولمه‌گن و دموکرا‌تیک خلقلرده بولگنیدیک، کردلر هم «بیر بوله‌ک» ایمس، تورلی-تومندیر. اینگ اوّلا کردلر نینگ همه‌سی هر بیر خلقده بولگنیدیک سیاستگه قیزیقه‌دی دیگنی ایمسدیر. سیاستگه قیزیققنلر نینگ همه‌سی رای بیریش جریانیده اشتراک ایتماقده دیگنی هم ایمسدیر. آواز بیرگنلرنینگ همه‌سی HDP حزبسیگه رای بیرماقده دیگنی هم ایمسدیر. عدالت و ترقیات حزبی هم کردلردن HDP لر بیلن بیر-برابر، تینگ رای آلماقده. HÜDAPAR نینگ رایی کم بولیشیگه قره‌مه‌ی بعضی نمایشلرده، میلیونلب انساننی آرتیدن ایرگشتیرگنینی کوریب توریبمیز. ایته‌یلیک، HDP گه رای بیرگنلر نینگ همه‌سی هم پی کاکا نی قوللب-قوّتله‌یدی دییالمه‌یمیز.
قیسقه‌سی، دنیا نینگ باشقه هیچ قَیسی خلقی اوچون ایشله‌تیلمه‌گن افاده نینگ، بیر قبیله‌دیک کردلر اوچون فایده‌لنیلیشی نینگ هیچ قنده‌ی معناسی یوق. بو کردلرنی پستگه اورگن و آیدولوژیک بیر مناسبتدیر. مین تورکيه‌ده بیر نیچه احتیاط کار و اوقوولی انسانلردن بیری صفتیده، پی کاکا و HDP نینگ بیر توتیلمسلیگینی و HDP یوریتماقچی بولگن و تینچ اهالی نینگ یخشیلیگینی کوزله‌گن سیاستگه یول بیریلیشینی خواهله‌یمن. لیکن HDP رسميلری پی کاکا ترور تشکیلاتی بیلن مناسبتینی اوزمس ایکن میندیک انسانلر نینگ اولر حقیده قنده‌ی فکرلشی نینگ هیچ قنده‌ی معناسی قالمه‌یدی. سیاست دموکراسی نینگ، ایرکینلیک نینگ، تینچ اهالی حیات شرایطی نینگ ایمس ترور تشکیلاتی و اونینگ توتالیتار باسیمی نینگ واسطه‌سیگه ایلنتیریلگودیک بولسه اونده اونگه حربي بولمه‌گن و دموکرا‌تیک میدانده قدم تشلش اوچون امکان بیریلمسلیگی طبيعي حالدیر البته.
ایندی، همه‌سی آچیق-آیدین ایکن اونده تورکيه‌ده‌گی معلوم قِسملر نینگ پی کاکا و HDPنی «کرد سیاستی» دیب کورسه‌تیشگه اوجرلیک بیلن حرکت قیلیشی نینگ سببی نیمه‌ده؟ بو سعی-حرکت فقط‌گینه تورکيه‌ده ایمس، منطقه‌ده‌گی باشقه مملکتلرده هم یوز بیره‌یاتگن بولیشی ممکن.
بو باره‌ده بیر نیچه مسأله اوستیده توریشیمیز ممکن. اولردن بیری پی کاکادن قورقیش ایکّینچیسی ایسه یولداش باسیمی.
پی کاکادن قورقیش: حیاتنی دموکرا‌تیک و ایرکین یشه گن و بیزگه اوخشه‌گن انسانلر کوپینچه ترور تشکیلاتی نینگ باسیملری، اولر یره‌تگن و اولیمگه ییته‌کله‌یدیگن قورقووولرنی تیزراق اونوتیشگه حرکت قیله‌دی. چونکه ترور تشکیلاتلری فقط‌گینه اولر ترور هجومیگه قول اورگنیده گینه یادگه کیله‌دی. کوپ اوتمه‌ی کون ترتیبیمیزدن چیقیب هم کیته‌دی. حال‌بوکه ترور تشکیلاتلری نینگ قورقیتیش، باسیم یره‌تیش، معلوم شخصلرنی توغریدن-توغری نشانگه آلیشدیک یوللری باردیر. شو نینگ اوچون هم برچه کردلرنی «کرد سیاستی» دیگن افاده بیلن توتالیتاریزه قیلیش سعی-حرکتی نینگ بیر قِسمی پی کاکا یره‌تگن قورقووو بیلن افاده ایتیلیشی ممکن. پی کاکاگه قرشی چیققن کرد عالِملر نینگ، تینچ اهالی نینگ یوق قیلگنلیگی معلوم.
یولداش باسیمی: «کرد سیاستی» دیگن افاده‌نی فایده‌لنگنلر نینگ مهم قِسمی چپ قنات سیاسي کوز قره‌شگه ایگه بولگن تورک محیطیدیر. اولر آره‌سیده تنیقلی کیشیلرنینگ کوپچیلیگی نینگ اوتمیشی انقلابي عنعنه‌گه باریب تقه‌لگنی معلوم. «کرد سیاستی» دیگن افاده‌دن اوجرلیک بیلن فایده‌لنگن سول چپ قنات سیاسي کوز قره‌شگه ایگه بولگن تورک محیطی نینگ بو سعی-حرکتی مارکسیست-لینینیست عنعنه‌دن کیلگن پی کاکا بیلن «انقلابده بیردملیک» دیب افاده ایتیلیشی ممکن. بو نینگ سببی اولر نینگ انقلابي عنعنه‌دن بوتونله‌ی قوتیله آلمه‌گنلیگیگه باریب تقه‌له‌دی دیسه‌ک مبالغه بولمه‌یدی.
تورکيه‌گه قرشی خلق‌ارا جمعیت بیلن بیر سان بولیش فکری: «کرد سیاستی» دیگن افاده‌نی اوجرلیک بیلن فایده‌لنگنلر نینگ بیر قِسمی نینگ ایسه تورکيه‌گه قرشی کوز قره‌شده‌گی خلق‌ارا جمعیت بیلن انتیگراسیون‌لشووی ایکنلیگی کوزه‌تیلدی. یوقاریده نامی تیلگه آلینگن محیطلر تامانیدن مادّي جهتدن یاردم آلگن قِسملر، یاردم بیرگن محیط بیلن بیر خیل کوز قره‌شنی نمایش ایتماقده.
حکومتگه قرشی کوز قره‌شلر: حکومتگه قرشی کوز قره‌شنی، بعضی عالِملر نینگ مناسبتیدن توشینرلی ایکنلیگینی ایتیش ممکن. بعضی عالِملر حکومت و دولت باشلیغی ایردوغا‌نگه بولگن سلبي کوز قره‌شینی کورسه‌تیش یاکه یاییش اوچون وقتی کیلگنیده نارکوتیک مادّه‌لرنی ساتیش بیلن شغللنگن، گناهسیز باله‌لرنی قتل قیلگن ترور تشکیلاتینی قوللب-قوّتلشگچه بارماقده.
عالِملر نینگ بیگانه‌لشووی: عالِملر نینگ بیگانه‌لشووینی اوز خلقینی سویمه‌گنلر دیب هم افاده ایتیش ممکن. اولر، غربلیک بولمه‌گن خلقلر نینگ تخمیناً ایکّی یوز عصر آلدینگی غربلیک لشیش تاریخی نینگ قیغولی حکایه‌سیدیر. بو حکایه‌نی شاعرلریمیزدن سیزآیی قره‌قوچ، «مَثل» یعنی «ایرتک» دیب ناملنگن شعر مصرعلریده عجایب افاده ایتیب بیرگندی. عثمانلي دوریده تعلیم آلیب، اوز یورتیگه حصه قوشسین دیب غربگه یوباریلگنلر نینگ کوپچیلیگی اوز خلقیگه بیگانه‌لشیب، بیرمه-بیر غرب عاشیغی بولیب قَیتگندی اوز یورتیگه. جمهوریت دوریده یوز بیرگن واقعه‌لرده ایسه، اوز مدنیتی و تاریخیدن بوتونله‌ی اوزاقلشیب، مدنیت جهتیدن غربگه تسلیم بولگنلر کوزه‌تیلدی.
خلاصه قیلیب ایتگنده، چپ قنات کوز قره‌شده‌گی ترور تشکیلاتی بولگن و اعضالری نینگ کوپچیلیگی تورکلردن عبارت DHKPC «تورک سیاستی» دیب قولگه آلیشلیک قنچه‌لیک ناتوغری بولسه، پی کاکا و HDP اوچون «کرد سیاستی» دیییشلیک هم انه شونچه‌لیک ناتوغریدیر. پی کاکا قورقوووی، یولداش باسیمی و.. نیمه بولیشیدن قطعی نظر پی کاکا و HDP کوز قره‌شینی «کرد سیاستی» دیییشلیک ایرکینلیکنی خوش کورگن، آبرولی و تینچلیک‌سیور کردلرگه حقارت قیلیش بیلن تینگدیر. «عالِم» دیگن مقّدس ادعانی ییلکه‌سیده کوتریب یورگنلر ترور و امپریالیزم نینگ سوزلریگه تسلیم بولیش اورنیگه بونگه قرشی مناسبتده بولیب، حقیقتنی افاده ایتیشی کیره‌ک دیگن فکرده‌من.
انقره ییلدیریم بایزید بیلیم یورتی سیاست علملر فآقولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایتدیک.
