اجتماعي میدیا؟
تحلیل و تیکشیروو 34
تحلیل تیکشیروو 34
اجتماعي میدیا؟
کونیمیزده انسانلر اجتماعي میدیا عالمیگه دوچ کیلگن وضعیتده. انسانلر کونیگه ساعتلب انترنیتده وقت اوتکزگنلیگی و بونینگ نتیجهلری بوییچه تیز-تیز تارتیشوولرگه گواه بولماقده میز. انترنیت و اجتماعي میدیا بعضیلر اوچون عادي علاقه گه ایلنیب قالگن، بعضیلری اوچون ایسه زمانه نینگ طلبیدیر. هرنرسه گه ییتیشیش ممکن بیرذاق توزه تیله دیگن انچه نرسه هم بار.
انقره ییلدیریم بایزید بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایته میز.
موضوع بیلن تیگیشلی فکر بیلدیره میز...
اجتماعي میدیادن قندهی فایدهلنیش کیره ک؟ ایتیش کیرهک بولگن نرسه شوکی، بیز اوندن فایدهلنسک هم، فایدهلنمسک هم اونینگ اوز یولیده دوام ایتیشیدیر.
هر قندهی بیر فکرلشگه مستقل و بی پول امکان یرهتگن بیر محیط.
اوّلا فایدهلریدن بحث یوریتهدیگن بولسک، اجتماعي میدیا مستقل فکرلاوچیلرگه، باشقهچه فکرلرنی کورماقچی بولگنلرگه، باشقه جمعیتلرنینگ توشونچهلری بیلن قیزیقووچیلرگه جوده کتّه امکانیتلر یرهتهدی. حقیقی حیاتده ایریشیب بولمهیدیگن کوپلب محلي و گلوبال مقیاسدهگی شخصگه فکرینگیزنی ییتکزیش امکانیتی موجود. عکس حالده، حقیقی حیاتده سیزگه جوده اوزاق بولگن انسانلرنینگ فکرلرینی اورگنه آلمهگن حالده شو بیلن ملی و گلوبال اوله راق انچه انسانگه فکرینگیزنی ییتکیزیب بیریشینگیز ممکن بولیب قالگن.
قالهویرسه، توشونچهنگیزنی، فکرینگیزنی افاده ایتیش اوچون کتّه سرمایه کیرهک ایمس. اوّللری محلي روزنامه - اخبار چیقریش، رادیو و تلویزیون تشکیل قیلیش اوچون هم جوده کتّه مادّي امکانیتلر ضرور ایدی. بیراق، حاضرگی کونده اجتماعي میدیا آرقهلی اوزینی کینگ عامهگه تنیتیش و فکرلرینی افاده ایتیشی عادي حال ایلنیب قالگن.
بوندن تشقری، بو فکرلر هیچ قندهی تیکشیرووسیز و توسقینلیکسیز بیملال عامه اعتباریگه حواله قیلینه آلهدی. فکرلر نینگ ایرکین ایلنیشی کوپینچه رادیکال جمعیت و تیزیملرنی قورقیتیشی ممکن. اونلب ییل مابینیده دنیاگه یاپیق روشده بولیب، حیاتلرینی دوام ایتتیرگن عرب تیزیملری نینگ «عرب بهاری» بیلن اوزگره باشلهگنلیگی نینگ اینگ مهم سببلریدن بیری اجتماعي میدیا بولیب حسابلنهدی. چونکه، نظارت قیلینمهگن اجتماعي میدیا واسطهلری بیلن جمعیت ینه هم تیز بیرلشه آلگن و باش کوتره آلگن.
هر قندهی یالغان نینگ تیزده ترقهلیش احتمالی بولگن و جمعیتلر تیزده بیریلیب کیتیشی ممکن بولگن محیط…
اجتماعي میدیا باشقه تاماندن هر قندهی یالغان نینگ بیملال تیزده ترقهلیشیگه زمین یرهتگن بیر محیط. اجتماعي میدیاده نیمه نینگ توغری، نیمه نینگ ناتوغری ایکنلیگینی بیلیش بعضاً امکانسیزدیر.
اجتماعي میدیاده نهفقط فکرلر، بلکه اخلاقسیزلیک، طلبلرگه عمل قیلمسلیک، جنایت عنصرلری هم ترقهلیب بارماقده. هر قندهی هجوم عملگه آشیشی ممکن.
فیسبوکنینگ اساسچیسی زکربرگ نینگ هکرلردن اوزینی قوریقلش اوچون لاپتاپ کامپیوترنینگ کمرهسینی و میکروفونینی یاپیب قوییشی دقتلرنی جلب قیلدی.
اجتماعي میدیا واسطهسیده توغریدن اولرگه ایریشیش قولهی بولگنی اوچون انسانلر توغریدن دغل کارلیکلرگه تیزده ایشانهدی. بو وضعیت انسانلردن شخصي مقصدلرده فایدهلنماقچی بولگن استخبارات تشکیلاتلری تامانیدن جوده یخشی قوللنیلهدی.
استانبول نینگ تکسیم ده بیر یاغاچ نینگ کیسیلیش واقعهلریده بونی یقّال گواهی بولدیک. بعضی دولتلرده روی بیرگن «سریق»، «نارنجی انقلاب»، «بخمل انقلابی» کبی حرکتلر جمعیت انستیتوتی کبی خلقارا مؤسسهلر بیلن یقیندن علاقهدار ایکنلیگینی بیلهمیز.
اجتماعي میدیا نینگ سلبي جهتلری حقیده فکر یوریتر ایکنمیز، شبههسیز انترنیتدهگی یامان نیتلی کیشیلرنی اونوتمسلیک کیرهک. معلوم بیر حادثه یرهتماقچی بولگن انسانلر ساخته حساب آچگن حالده قتّيق تبلیغلر یوریتیشی ممکن.
اولر نینگ تأثیریده بعضاً حقیقت اوز معناسینی یوقاتگنلیگیگه گواه بولیش ممکن. بوندهی شخصلر اوچون انترنیت بیر علاقه واسطهسی ایمس، بلکه هجوم و تاراج واسطهسیگه ایلنهدی.
نیچه استخبارات تشکیلاتی اجتماعي میدیا شرکتلری نینگ معلوماتیگه ایگه؟
اجتماعي میدیا حقیده فکر یوریتر ایکنمیز، نظردن چیتده قالگن بیر خصوص شوکی، اجتماعي میدیا کمپنیلری بیز آرقهلی جوده کتّه تجربهگه ایگه بولماقده. انترنیت ترماقلریده ترقهتیلگن شخصي معلوماتلر حقیده گپیرمسه هم بولهدی. اورتهگه چیققن شرح قالدیریش، ملاحظه بیلدیریش، «لایک» واسطهسیده شخصلرنینگ، جمعیتلرنینگ دیندار، اتنیک و باشقه قِسملر توغریسیدهگی هر قندهی شخصي معلوماتلری، سیاسي توشونچهلری و مناسبتلرینی اجتماعي میدیا شرکتلری قولگه کیریتماقده. اولر انسانلرنینگ شخصیتی توغریسیدهگی تیکشیروولرنی اینگ یقین دوستلریدن هم یخشیراق افاده ایتهدیلر. بو جهتدن اوشبو کمپنیلر قوللریدهگی کوپلب معلوماتلر بیلن بوتون دنیانی کوزهتیب، تیکشیرهدیگن خودّی George Orwel 1984 رومانیده گی تلویزیون-تصویرگه اوخشهیدی. بو ایسه کمپنیلرگه، انترنیت شرکتلریگه یقین بولگن استخبارات تشکیلاتلریگه و دولتلرگه جوده کتّه کوچ بیرهدی. بونچه خدمتنی بیپول بیرمهیدی البته. بیر اویلب کورینگ، هر واقعهده خودّی مجبوردیک کورسهتیلگن قرشیلیکلر، ملاحظهلر بیلن قَیسی دولتده قندهی حادثهلرگه نسبتاً قندهی مناسبتده بولیشیمیز حقیده بو کمپنیلرگه معلومات ییتیب بارهدی. کمپنیلر بو معلوماتلرنی اوزاق تحقیق قیلهدیلر. حتا، شخصلر، مؤسسهلر و جمعیتلرنینگ اوزی هم اوزلری حقیدهگی بونچهلیک انیق معلوماتنی بیله آلمهیدیلر. بو تیکشیروولر بیر قیرّهلی ایمس. انسانلر نینگ شخصیت تیکشیروولری مدني، اجتماعي، سیاسي، مادّي جهتلرنی هم اوز ایچیگه آلهدی. بو حالت برچه دولتلر نینگ اوز کیلهجگی جهتیدن مطلقا دقّتگه آلیشی کیرهک بولگن خصوصدیر.
حاضرگی یاش نسل اجتماعي میدیا و انترنیت ایچیده توغیلیب، اوسماقده. تاباره ساووقلشیب بارهیاتگن عایلهوي مناسبتلر طفیلی، بالهلرنینگ ینه هم ایرکین و اوزباشیمچه ایکنلیگی، تعلیم و حقیقی حیاتلر نینگ معناسینی تاباره یوقاتیب بارهیاتگن بیر محیطده، اجتماعي میدیا باره-باره بالهلرنینگ جمعیت بیلن علاقهسینی کوچهیتیرهدیگن یگانه ترماققه ایلنیب بارماقده.
یالغان معلوماتلر کینگ ترقهلگن بو محیط بالهلر اوچون قنچهلیک ساغلام محیطدیر؟ بو محیط قندهی بیر دنیا یرهتهدی؟
مین شخصاً امیدیمنی یوقاتمهدیم. ایتیب اوتگنیمدیک، برچه سلبي عنصرلرگه قرهمهی، اجتماعي میدیا یخشی امکانیتلر هم یرهتهدی. بوندن عاقلانه فایدهلنیش هم ممکن. بالهلریمیز نینگ کیلهجگینی اجتماعي میدیا نینگ قولیگه تشلب قویمسلیک کیرهک.
مولانا ایتگنیدیک، اگر آیاق ساغلام بولسه، قنچهلیک زمینگه قدم باسسه، بونگه امکان یرهتیش کیرهک. بیراق، آیاق مستحکم ایمس ایکن، کیریب قالگن ناتاغری محیطلردن چیقیش امکانسیزدیر.
خلاصه قیلیب ایتهدیگن بولسک، گلوباللشوو جریانی کبی اجتماعي میدیا هم اوز یولیده دوام ایتماقده. مهمی بو نینگ اوزیمیز، عایلهمیز، وطنیمیز و انسانیت اوچون فایدهسینی آشیریش، ضررینی کمهیتیریشدیر.
انقره ییلدیریم بایزید بیلیم یورتی سیاست علملر فآقولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایتدیک.