سوریه ده گلوبال کوچلرنینگ کوره شی یوز بیرماقده

سوریه ده گلوبال کوچلرنینگ کوره شی یوز بیرماقده

سوریه ده گلوبال کوچلرنینگ کوره شی سوریه ده گی ایچکی اوروشدن اوتیب کیتگن. اسد تیزیمی نینگ 2011 ییلیده گی عاموی طلبلرنی رد ایتیب، اولکه نی دموکراتیک لشتیریش اورنیده اوروش گه آلیب باریشی، سوریه ساحه سینی انچه منطقوی و گلوبال کوچلر اوچون کوچ کورساتیش ساحه سیگه اینه لیشی گه باعث بولگن دیر. اوروش ساحه سیگه اینلگن سوریه بیر تاماندن ایچکی اوروش و ترور بحرانی بیلن دوچ کیلیب قالگن باشقه تاماندن منطقه ده نماینده لیک قیلگنلر اوروشی دوام ایتماقده دیر. روسیه، امریکا قوشمه ایالتلری، انگلستان و فرانسه کبی گلوبال کوچلر قاله ویرسه تورکیه، ایران، سعودی عربستان، قطر و اسرائیل کبی منطقوی کوچلر هم سوریه ده تاثیر قالدیرگن کوچلر دیر. 

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته‌میز.

گلوبال و منطقوی کوچلر، سوریه ده گی مقصدلریگه ییتیب باریشلری اوچون انچه نماینده (پیمانکار) لردن استفاده قیلماقده لر. روسیه بشارلاسد تیزیمی گه ایران بیلن بیرگه لیکده هوائی زمینی دیپلوماتیک و مادی همکارلیک عملگه آشیرماقده دیر. روسیه هوائی و زمینی کوچلریگه قوشیمچه، انچه روسیه لیک معاش لی عسکر هم سوریه ده وظیفه بجریب تورگن. ایران مادی و عسکری همکارلیک نینگ یانیده بشارالاسد تیزیمی گه انسانی یاردم هم عملگه آشیرماقده. ایران روسیه نینگ عکسینچه، سوریه ده هم سوریه لیک همده خارجی جنگریلری موجود. اینیقسه لبنانلیک حزب الله و افغانستانلیک فاطمیون گروهی، عراقلیک نجبا حرکتی و پاکستانلیک زینبیان گروهی کبی انچه گروهی موجود. ایران نینگ سوریه ده گی خارجی جنگریلریگه قوشیمچه، خلق محافظه کوچلری اتی بیلن انچه سوریه لیک جنگریلری هم بار. لیکن ایران سوریه ده فقط پیمانکار جنگریلر ایمس عین دمده خوددی اوزی نینگ انقلاب محافطلری گروهی هم مهم وظیفه لر بجریب تورگن. روسیه بیلن ایران نینگ سوریه نینگ انچه منطقه سیده عسکری مرکز و قونلغه لری موجود دیر.

ایریم بیر جبهه نی ایسه امریکا قوشمه ایالتلری، فرانسه و انگلستان تشکیل بیرگن. غرب تامان ایجاد ایتگن جبهه داعش گه قرشی کوره ش آتی بیلن ترور تشکیلاتی YPG گه یاردم بیرگن دیر. YPG. باشچیلیگیده ایجاد ایتیلگن سوریه دموکراتیک کوچلری بیلن شمال – غرب سوریه ده گی منبیچ دن جنوب – شرق ده گی ابو کمال گچه بولگن گذرگاههی کنترول ایتماقده. امریکا و فرانسه نینگ بو ساحه ده 25 اطرافیده عسکری مرکزی موجود. بولر آره سیده 2 هوا پیستی هم غرب تامانیدن استفاده قیلینماقده دیر.

اوندن تشقری انگلستان و امریکا قوشمه ایالتلری نینگ سوريه‌ نینگ جَنوبیده‌گی تېنېف منطقه‌سیده جمع‌ی 2 ته مرکزی بار. بو منطقه‌ده اېسه مگاویر الثورا دیب ناملنگن بیر تشکیلات بیلن بیرگه‌لیکده فعالیت آلیب بارماقده. سعودی عربستان سوريه‌ده اوزاق وقتگچه، وقتی-وقتی بیلن سوريه‌ده‌گی مخالفت کوچلرنی قوللب-قوّتلشیگه قره‌مه‌ی آخرگی وقتلرده YPG رهبرلیگیده‌گی سوريه دموکرا‌تیک کوچلرینی قوللب-قوّتله‌ی باشله‌دی. اینیقسه‌ سعودی عربیستانی رهبرلیگیده‌گی عرب دولتلری سوريه دیموکرا‌تیک کوچلری تامانیدن نظارت قیلینگن منطقه‌لرگه حربيلرنی یوبارگنلیگی قید ایتیماقده.

کیینگی جبهه‌ ایسه تورکيه‌دن عبارت. تورکيه ادلیب منطقه‌سیده‌گی خوفسیز حدودنی نظارت قیلیش مقصدیده 9 ته نظارت نقطه‌سی تشکیل ایتدی. بوندن تشقری ینه‌ 12 ته نظارت نقطه‌سی نینگ تشکیل ایتیلیشی کوتیلماقده. بولردن تشقری فرات قلقانی عملیاتی و زیتون نوده‌سی عملیاتی بیلن داعش و YPG ترور تشکیلاتیدن قوتقریلگن منطقه‌لرده حربي کوچینی دوام ایتتیرماقده. سوريه خلقی اوچون خوفسیز منطقه‌گه ایلنگن عفرین، عزیز، الباب و جرا‌بلوس منطقه‌لریده عینِ وقتده تورکيه‌ نینگ مخصوص کوچلری تامانیدن ییتیشتیریلگن سوريه‌ نینگ پولیس‌ تشکیلاتی تینچلیکنی تأمینله‌ماقده. سوريه‌ نینگ پولیس‌ تشکیلاتی سوريه مخالفت گروهی تامانیدن تشکیل ایتیلگن و خلق‌ارا جمعیت تامانیدن قبول قیلینگن سوريه‌ نینگ وقتینچه‌لیک حکومتیگه قره‌شلیدیر. حربي معناده تشکیل تاپگن ملي اوردو هم سوريه‌ نینگ وقتینچه‌لیک حکومتیگه قره‌شلیدیر. قطر ایسه «قطر-معماسی»دن آلدین سوريه مخالفت کوچینی یقیندن قوللب-قوّتله‌یاتگن ایکن محاصره قیلیب آلیش آرتیدن قطر نینگ سوريه‌ده‌گی کوچی کمه‌یدی.     

ینه‌ بیر تامان ایسه ایسرایلدیر. ایسرایل 1967-ییلده‌گی اوروشلرده خلق‌ارا حقوق قاعده‌لری طلبلریگه توغری کیلمه‌گن روشده گولان تیپه‌لری بیلن سوريه‌ نینگ توپراغینی باسیب آلگن ایدی. 2011-ییلی باشله‌گن اوروش آرتیدن ایسه ایسرایل گولان تیپه‌لریده‌گی حکمرانلیگینی ینه-ده‌ آرتتیردی. ایران نینگ وکیل عنصرلری نینگ سوريه‌ده آرتیب کیتیشی و حزب الله نینگ سوريه‌ده‌گی کوچیدن بیزاوته‌ بولگن ایسرایل، وقتی-وقتی بیلن سوريه‌ده‌گی ایران و حزب الله نقطه‌لریگه قرشی هوا هجوملری عملگه آشیرماقده‌دیر.

بشار الاسد ریجیمی 2011-ییلی خلق نینگ طلبلرینی قبول قیلمه‌گن حالده، مملکتنی اوروشگه ییته‌کلشی آرتیدن سوريه گلوبال و منطقوي کوچ کوره‌شی میدانیگه ایلندی. ملي مستقللیگینی قولدن بوی بیرگن سوريه‌ نینگ بیر نیچه‌ بولیمگه بولینگنلیگینی ایتیش ممکن. لیکن سوريه‌ده دوام ایتگن اوروش نینگ گلابه‌ل و منطقوي بیر کوچ کوره‌شیگه ایلنیشی هم توغری ایمسدیر. سوريه‌ده حلیگچه دوام ایتگن بیر ایچکی اوروش نینگ بارلیگینی تأکیدله‌ماق لازم.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.