یمن نینگ کیله جگی نیمه بوله دی؟

یمن, اورته شرقده اورین آلگن عرب اولکه لری آره سیده اینگ قششاق اولکه نی تشکیل ایتماقده.  اوشبو اولکه ده اجتماعی جهت دن جوده هم یمان نتیجه لر گه سبب بولگن اوروش لر ۱۴ آیدن بیری دوام ایتیب کیلماقده.  یمن لیک لرنینگ مبارک رمضان آییده جوده هم کتته قیین چیلیک لر گه دوچ کیلیب قالگن لیک لری کورینماقده.  اپریل آییده باشله گن و ایککی آی لیق بیر مدت بیلن دوام ایتگن اوق اوزیش نی توخته تیش, اوشبو قیین چیلیک لرنینگ ییچیلیشی گه آزگینه هم بولسه حصه قوشگن بولدی.  بیراق, بیرلشگن ملتلر تشکیلاتی نینگ یمن بوییچه خاص نماینده سی تامانیدن مطرح ایتیلگن پلان توغری سیده قیسی باسقیچ نینگ آلدین کیلیشی کیره ک ایکن لیگی خصوصیده ایریم کیلیشموچیلیک لر پیدا بولیب قالدی. 

اصلی گه قره گنده تامان لر خاص نماینده اسماعیل ولد شیخ احمد نینگ اوشبو پلانی نی ایجابی کوتیب آلدی.  حوثی لر و متفقی دن عبارت سابق جمهوررئیسی علی عبدالله صالح گه باغلیق حربی لر نی تشکیل ایتیتگن عصیانچی لرنینگ صنعا داخل, میلادی ۲۰۱۴ نچی ییلیدن بیری اشغال آستیده بولگن منطقه لر نی ترک ایتیش لری, جنگری لر نینگ آغیر قورالل لری نینگ آلیب قویلیشی و بیرلیک حکومتی نینگ قوریلیشی کبی موضوع لر اوشبو پیشنهاد لر آره سیده گه کریتیلگن ایدی.  بیراق, حوثی لر ایلک نوبتده اوتکینچی بیرلیک حکومتی باش وزیری نینگ همه تامانیدن قبول ایتیلیشی ممکن بولگن بیر کیشی دن عبارت بولیشی نی طلب ایتدی. شونده ی قیلیب خلق ارا جامعه تامانیدن تن آلینگن یمن حکومتی نینگ باشلیغی عبدالربه منصور الهادی نینگ اوتکینچی حکومت نینگ هم رهبری بولیشی کیره ک ایکن لیگی نی بیلدیردیلر.  بیراق, الهادی نینگ ایککی ییل لیق مدتی تکمیل بولگن ایدی.  بوندن تشقری موجود بحرانلر نینگ پیدا بولیشی بوییچه اوتکینچی حکومت نینگ موفقیت سیزلیک لری هم کتته رول اوینه گن ایدی. 

عینی دمده الهادی تامانی حوثی لر و متفق لری نینگ اشغال ایتگن شهر لر دن چیقیشی و قوراللری نی ییرگه قویش لری نینگ بیرلیک حکومتی نینگ قوریلیشیدن هم مهمراق ایکن لیگی نی بیلدیردی.  طبعی بیر شکلده ایککی آی لیق بیر آره دن کیین اوروشلر قیته باشدن باشلب کیتدی.  شونده ی قیلیب ۱۴ آیدن بیری دوام ایتیب کیلیتگن اوشبو اوروش لر یمن ده جدی بیر بحران نینگ باشلب کیتیشی گه سبب بولدی.  باشقه بیر تاماندن ایسه اوروش لر دن آلدین یمن خلقی نینگ بویوک بیر قسمی جوده هم یمان بیر شرایطده حیات کیچیرماقده ایدی.  ایندی ایسه وضعیت نینگ ینه ده یمان له شیب کیتگن لیگی کورینماقده.  کوپلب جای لرده ایسسیق لیق درجه سی نینگ ۴۰ دن  هم آشیب کیتگن لیگی, برق لرنینگ کیتیب قالگن لیگی, سو کمچیلیکلری و عموماً آلیب قره گنده قششاق لیق نینگ اوزی مبارک رمضان آیی نی یمن لیک لر اوچون جوده قیین بیر آی گه ایلنتریب قویدی.  باله لرنینگ اولیشی گه سبب بولیتگن یوقیملی کسل لیک لر یمنده کونده لیک حیات نینگ بیر بولگی گه ایله نیب قالگن وضعیتده. 

سعودی عربستان ایتکچلیگیده گی عرب ائتلافی نینگ عملیات لری نتیجه سیده میلادی ۲۰۱۵ نچی اپریل آیی بیلن میلادی ۲۰۱۶ نچی ییلی می آی لری آره سیده یمنده ۹۱۳۶ ملکی جان بیردی.  جان بیرگن اوشبو کیشی لرنینگ ۱۸ فایزی عیاللر و ۲۴ فایزی ایسه باله لر دن تشکیل تاپماقده.  یره لنگن کیشی لرنینگ سانی نینگ ایسه ۱۶ مینگ دن آرتیغراق ایکن لیگی بیلدیریلماقده. 

خودی منه شو عملیات لر نتیجه سیده کوپلب یوللر, کوپریکلر, قونلغه لر, کسلخانه لر و مکتب لر ویران بولیب قالدی.  بوندن تشقری ۳۲۵ مینگدن آرتیغراق اوی نینگ هم استفاده ایتیله آلمیدیگن بیر وضعیت گه کیلیب قالگن لیگی بیلدیریلماقده.  اوشبو عملیات لر ۲,۸ میلیون کیشی نینگ اوز اوی لری نی ترک ایتیب کیتیش لری گه سبب بولدی.  خلق ارا عفو تشکیلاتی و باشقه کوپلب ملی و بین المللی تشکیلات لر  عرب ائتلافی نینگ استفاده ایتیلیشی ممنوع بولگن بیرل بمبیدن استفاده ایتگن لیگی نی ادعا ایتدی. 

یمنده ۱۵ میلیون انسان صحی غذائی مواد تاپیش بوییچه کتته قیین چیلیک لرگه دوچ کیلیب قالگن وضعیتده. 

بیرلشگن ملت لر تشکیلاتی یمن بوییچه بشری فعالیت لر کوردیناتوری, یمن ده گی وضعیت نینگ دنیا نینگ اینگ یمان وضعیتیدن عبارت ایکن لیگی نی معلوم قیلدی. باله لرنینگ اولیمی گه سبب بولیتگن باشقه بیر فکتور ایسه غذائی مواد کمچیلیگی و آچگرچیلیکدن عبارت.  غدائی مواد کمچیلیگیدن تشقری, نرخ لرنینگ یوقاری ایکن لیگی هم معما نینگ باشقه بیر تامانی نی تشکیل ایتماقده.  کوپلب عایله لر پولی بولمه گن لیگی اوچون بازار دن باریب غذائی مواد آلیش کوچی گه ایگه ایمس.  یمن نفوسی نینگ قریب ۸۰ فایزی فرقلی سویه لر ده بشری یاردم لر گه محتاج وضعیتده. 

بیرلشگن ملت لر تشکیلاتی, اعضا اولکه لردن یمن اوچون میلادی ۲۰۱۶ نچی ییلیده ۱,۸ میلیارد دالر یاردم ایتیشی نی طلب ایتدی. بیراق, حاضرگی کون گه قدر اوشبو مقدار نینگ فقط گینه ۱۷ فایزی نینگ تامین ایتیلگن لیگی کورینماقده.  خوب, یمن ده نیمه اوچون اوروش لر دوام ایتماقده؟ میدیا آرقه لی, نیمه اوچون میلادی ۲۰۱۴ نچی ییلی سپتامبر آییده پایتخت صنعا نی آلگن حوثی جنگری لرنینگ ایران نامیدن اورشیتگن لیگی گه تیگیشلی سئوال بیریلماقده.  شونده ی قیلیب اولر نی سعودی عربستان گه قرشی ایران تحریک ایتگن ایدی. حوثی لر یمن نینگ اوچدن بیر قسمی نی تشکیل ایتیتگن شیعه زیدی نفوس نینگ ایچیدن چیقگن اصل آتی انصار الله بولگن دینی- سیاسی بیر حرکت دن عبارت.  ایران بیلن بولگن ارتباط لری هم البته که یاشیرینچ ایمس.  بیراق, ایران نینگ یمن ده گی تاثیری بیلن علاقه لی مبالغه هم قیلمس لیک کیره ک. حوثی لر نینگ زیدی لرنینگ همه سی نینگ حمایه سی نی کسب ایتمه گن لیگی کورینماقده. بوندن تشقری زیدی لرنینگ همه سی نینگ ایران طرفداری ایکن لیگینی بیلدیریش هم ممکن ایمس. حاضرگی کونده حوثی لر بیلن بیر یقه دن چیقریتگن سابق جمهوررئیسی علی عبدالله صالح هم زیدی بیر کیشی دن عبارت.  بیراق, صالح اقتداری دوریده عموماً آلیب قره گنده سعودی عربستان بیلن یخشی علاقه لر قوردی.  شونده ی قیلیب اوتمیشده سعودی عربستان نینگ یاردمی بیلن آلتی مراتبه حوثی لر گه قرشی اوروشدی.  بیر مذهب دن ایکن لیگی سببلی صالح حوثی لر بیلن بیرلشگن ایمس البته که.  صالح فقط گینه سیاستدن اوزاق لشمس لیک اوچون حوثی لر بیلن بیرلشدی خلاص.  مرکزی رهبریت نینگ باسیمی گه دوچ کیلیب قالگن حوثی لرنینگ پایتخت صنعا نی قول گه کریتگن لیگی هم ایران نینگ جهت بیریشی بیلن بولمه دی البته که.  حوثی لر نینگ یمن نینگ برچه قسم لری گه حاکم بولیش کوچی هم موجود ایمس. آلدین آلتی مراتبه اوروشگن لیک لری اوچون حوثی لر صالح گه ایشانمیدیلر.  بیراق, حاضرگی کونده حوثی لر یمنده اوز لری نینگ اساسی کوچدن عبارت ایکن لیگی نی کورسه تیش گه حرکت ایتماقده. 

سعودی عربستان نینگ اساسی تشویشی یمن ده ایران طرفداری کیشی لرنینگ اقتدار گه کیلیشیدن عبارت ایمس.  کنترول لریدن چیقیب کیتگن صالح نینگ ایران گه هم یقین ایمس لیگی نی سعودی عربستان جوده یخشی بیله دی.  سعودی عربستان نینگ صنعا ده الهادی رهبریتی نینگ قوله تیلیشی گه قرشی قتتیق عکس العمل کورستگن لیگی نینگ اساسی سببی, یمن نینگ حوثی- صالح همکارلیگی بیلن ریاض نینگ کنترولیدن چیقیب کیتیشی تشویشی دن عبارت.  سعودی عربستان ستراتیژیک اهمیتی سببلی یمن نینگ دواملی روشده ریاض رهبریتی نینگ کنترولی آستیده بولیشی نی آرزو ایتماقده. 

بیراق, سعودی لر اوشبو موضوع نینگ ایران بیلن سعودی عربستان آره سیده گی کوره ش اوله راق بهالنتریلیشی تقدیرده ریاض اوچون خلق ارا حمایه جهتیدن مفید بوله دیگن لیگی نی اویله ماقده. شوباعث, سعودی عربستان منطقه ده ایران نینگ تاثیری نینگ یوق ایتیلیشی اوچون یمن گه مداخله قیلگن لیگی نی بیلدیریش نی ترجیح ایتدی.  اصلی گه قره گنده یمن ده گی جنجال لرنینگ اساسی منبعی منطقه ده گی فکتور لردن عبارت ایدی.