تورکیه - چین ملی تیرمه جماعه لری نینگ اوچره شووی بولیب اوتدی

خاتین - قیز والیبال ملی تیرمه جماعه‌سی، المپیاد‌ اویینلریده بیرینچی مرته‌ یریم فاینل گه چیقدی.

خاتین - قیز والیبال ملی  تیرمه جماعه‌سی، پاریس 2024 المپیا‌د اویینلری نینگ چارک فاینلیده چین نی 3-2 اوتدی.

بیرینچی سیتنی 25-23 ختای ایلگریده یکونله‌گن اوچره شووده، تورک قیزلر ایکّینچی سیتنی 25-21 آلیب، مسابقه نی تینگلشتیردی.

تورکیه خاتین - قیز والیبال ملی تیرمه جماعه‌سی ، ملیسا ورگس و ابرار قاره قورت نینگ نمره لری بیلن اوچینچی سیتنی 26-24 آلیب، 2-1 آلدینگه اوتتی.

ختای تورتینچی سیتنی 25-21 اوتیب، وضعیتنی 2-2 گه تینگلشتیردی.

سونگگی دقیقه‌لرگه قدَر رقابتلی بولگن 5- سیتینی 15-12 آلگن تورکیه خاتین - قیز والیبال ملی تیرمه جماعه‌سی، المپیاد تاریخیده ایلک مرته‌ یریم فاینلگه چیقیش گه موفق بولدی.

تورک والیبالچی خاتین - قیزلر، یریم فاینلده 8 اگست کونی ایتالیا - صربستان اویینی نینگ غالبی بیلن اوچره‌شه‌دی.