تورکیه بیلن ناروی ملی تیرمه فوتبال جماعه لری بوگون کیچقرون اوچره شه دی

تورکیه ملی تیرمه فوتبال جماعه سی 2022 فیفا دنیا کپ اروپا سره لش جی گروپ بیلله شوولری دایره سیده بوگون (جمعه کونی) ناروینی مهمان قیلیب اوچره شه دی.

اوچره شوو ت ر ت 1 کانالی آرقه لی جانلی روشده یایینلنه دی.

استانبول اولکر استدیومیده تورکیه وقتی بیلن ساعت 21:45 ده افغانستان وقتی بیلن ساعت 23:15 ده بولیب اوته دیگن اوچره شوونی آلمان فوتبال فدراسیونی حکم لریدن فلیکس برچ آلیب باره دی.

تورکیه ملی تیرمه جماعه سی نینگ ینگی مربعی آلمان شتافن کونزنینگ هم بیرینچی بیلله شووی بوله دی.

جی گروپده 13 نمره بیلن هالند بیرینچی اورینده، ینه 13 نمره بیلن ناروی ایککینچی اورینده و 11 نمره بیلن تورکیه اوچونچی اورینده دیر.

تورکیه ملی تیرمه جماعه سی ناروی گه قرشی غلبه قازانگن تقدیرده ایککینچی اوریننی ایگلله یدی.