ایتالیا اروپا کپ بیلله شوویده غلبه قازاندی

16- اروپا فوتبال بیلله شوولری (EURO 2020) چاره ک فاینل مرحله سی اوچره شوویده ایتالیا ملی تیرمه جماعه سی اسپانیا ملی تیرمه جماعه سینی پینالتی اوروشلری نتیجه سیده مغلوبیت گه اوچره تیب یریم فاینل گه چیقدی.

انگلستان پایتخت لندنده جایلشگن ومبلی استدیومیده بولیب اوتگن یریم فاینل بیلله شوویده ایتالیا بیلن اسپانیا اوچره شدی.

بیلله شوو نورمال 90 دقیقه و اوزه یتیریلگن دقیقه لر بیلن بولیب 120 دقیقه نتیجه سیده 1-1 بیلن یکونلندی.

ایتالیا نینگ گولینی 60- دقیقه ده فدریکا چیزا اسپانیانینگ گولینی 80- دقیقه ده الوارو موراته اوردی.

اوچره شوو 120 دقیقه نینگ اداغیده 1-1 لیک براربرلیک بیلن اداغگه ییترکن ایتالیا اوز رقیبینی پینالتی اوروشلری نتیجه سیده 4-2 بیلن مغلوبیت گه اوچره تیب فاینل گه اورین آلیش گه موفق بولدی.