بوگون تورکیه – لیتونیا ملی تیرمه جماعه لری اوچره شه دی

تورکیه ملی تیرمه فوتبال جماعه سی 2022 فیفا دنیا کپ گه سره لش جی گروپ 3 - بیلله شوویده بوگون (30 مارچ سه شنبه) لیتونیا بیلن اوچره شه دی.

استانبول آتاتورک المپیاد استدیومیده تورکیه وقتی بیلن ساعت 21:45 افغانستان وقتی بیلن کیچقرون ساعت 11:15 ده بولیب اوته دی.

خوددی شو اوچره شوو تورکیه رادیو تلویزیونی (TRT) کانالی بولمیش TRT SPOR آرقه لی جانلی روشده یایینلنه دی.

تورکیه گروپده گی بیرینچی اوچره شووده هالندنی 4-2 بیلن ایککینچی بیلله شوویده ناروی نی 3-0 بیلن مغلوبیت گه اوچره تیب 6 نمره قولگه کیریتگندی.

لیتونیا ایسه ایککی بیلله شووده هم مغلوبیت گه اوچره ب نمره آلیش گه موفق بولمه دی.

گروپده گی ایریم بیلله شوولرده جبل الطارق – هالند و مونته نگرو – ناروی اوچره شوولری بولیب اوته دی.