بارسیلوناده لیونل میسی ریکارد اورنه تدی

اسپانیا 1 – فوتبال لیگی (لالیگا) نینگ 24 هفته بیله شوویده بارسیلونا اوز استدیومیده کادیز بیلن 1-1 برابرگه قالدی.

بارسیلونانینگ گولینی بیلله شوونینگ 2 – دقیقه سیده پینالتیدن لیونل میسی اوردی و بیرینچی میدان 1-0 بیلن اداغگه ییتدی.

بیراق ایککینچی میدانده کادیز 88 – دقیقه ده الکس فرناندیز اورگن گول بیلن 1-1 برابرلیک قولگه کیریتدی و مسابقه یکونلندی. 

لالیگاده بیر مسابقه سی کم بولگن بارسیلونا 47 نمره گه ایککینچی ریئال مادرید 52، بیرینچی اورینده گی اتلاتیکو مادرید 55 نمره گه ییتدی.

لیونل میسی لالیگا تاریخیده 506 مرته بارسیلونا کییمی کییب 505 مرته بو کییم نی کییگن چاوی هرناندیزنی اوتیب کیتدی و ینگی ریکارد اورنه تدی.