اسپانیانینگ ایککی کتته جماعه سی قیرال کپ بیلله شوویده مغلوبیت گه اوچره دی

بارسیلونا بیلن ریئال مادرید مغلوبیت گه اوچره ب کپدن چیتلنیب کیتدی.

اسپانیانینگ ایککی کتته جماعه سی قیرال کپ بیلله شوویده مغلوبیت گه اوچره دی

لالیگاده قهرمانلیک اوچون رقابت قیلگن بارسیلونا بیلن ریئال مادرید جماعه لری قیرال کپ بیلله شوویده مغلوبیت گه اوچره ب چیتلندی.

اسپانیا قیرال کپ بیلله شوویده ریئال مادرید اوز میدانیده ریئال سوسیدادگه 4-3 اوتیلدی و کپ دن چیتلنیب کیتدی.

ریئال سوسیداد 22- دقیقه ده مارتین اودیگارد، 54 و 56 – دقیقه لرده 20 یاشده گی فوتبالچی الکسندر ایساک نینگ گوللری بیلن وضعیت نی 3-0 گه کیلتیردی.

بیراق ریئال مادریدلیک مارسیلو 59 – دقیقه ده گول اوردی و 3-1 بولدی. لیکن ریئال سوسیداد 69 – دقیقه ده میکل میرینونینگ گولی بیلن 4-1 قیلدی.

ریئال مادرید 81 – دقیقه ده رودریگو و 90+3 ده نچو بیلن گول اورگن بولسه هم اوز رقیبی گه قرشی 4-1 مغلوبیت گه اوچره ب کپدن چیتلنیب کیتدی.

باشقه تاماندن اتلتیکو بیلبائو هم بارسیلونانی 1-0 مغلوبیت گه اوچره تدی و بارسیلونا کپدن چیتلنیب کیتدی.

اتلتیکونینگ گولینی 90+3 ده ایناک ویلیامس اوردی.

شونده ی بولیب اسپانیانینگ ایککی کتته جماعه سی قیرال کپدن چیتلنیب کیتدی.

بوندن آلدین ایسه گرانادا والینسیئانی 2-1 و میراندیس ویله ریئال نی 4-2 مغلوبیت گه اوچره تیب چیتلنتیرگندی.   



علاقه لی ینگی لیکلر