هندوستانده یامغیر کوپلب کیشی نینگ اولیمی گه سبب بولدی

هندوستان نینگ گجرات و راجستان ایالتلریده یکشنبه کوندن بیری یامغیر نینگ جوده کوپ یاغگن لیگی سببلی 17 کیشی حیاتینی یوقاتدی و 11 نفر ایسه لادرک یوقالدی. 

هندوستان تایمز نینگ خبری گه کوره, مسئوللر, گجرات و راجستان ایالتلریده اوچ کوندن بیری ققشتگیچ یامغیر لرنینگ دوام ایتیاتگن لیگینی بیلدیردی. 

مسئوللر, اوشبو یامغیر لرنینگ 17 کیشی نینگ اولیمی و 11 نفر نینگ لادرک یوقالیشی گه سبب بولگن لیگینی معلوم قیلدی. 

گجرات آفت باشقروی مسئوللری, تقریباً 20 کیشی نینگ یامغیر دن تاثیرلنگن لیگی و 6 کیشی نینگ امن جای لر گه انتقال ایتتیریلگن لیگینی ایسله تیب اوتدی. 

ایکّی ایالتده یامغیر دن تاثیرلنگن منطقه ده گی بند لرنینگ اکثریتی نینگ تاشیب کیتیشی آرتیدن مسئول لر سیل بوییچه هشدار بیردی. 

عینی دمده خوددی شوو ایکّی ایالتده یامغیر دن تاثیرلنگن منطقه لرده گی مکتب لر 2 کونلیک بیر مدت بیلن تعطیل قیلیندی.