ایتالیا ده سوو تاشقینی عاقبتیده کوپلب کیشی حیاتینی یوقاتدی

ایتالیا نینگ امیلیا- رومانیا منطقه سیده اوتگن هفته یوز بیرگن سوو تاشقینی عاقبتیده حیاتینی یوقاتگن لر سانی, لادرک یوقالگن ینه بیر کیشی نینگ جسدی نینگ تاپیلیشی بیلن 15 نفر گه ییتدی. 

ایتالیا نینگ ANSA خبر آژانسی نینگ بیرگن خبری گه کوره, اوتگن هفته ده سیل دن تاثیرلنگن منطقه لردن بیری بولگن لوگو شهریده لادرک یوقالگن 68 یاشلی بیر کیشی نینگ جسدی تاپیلدی. 

شونده ی قیلیب سوو تاشقینیده حیاتینی یوقاتگن لر سانی 15 نفر گه کوتریلیب کیتدی. 

عینی دمده ینه جوده کوپ یامغیر یاغه دیگن لیگی بیلدیریلرایکن, سوو تاشقینی دن تاثیرلنگن منطقه لرده ساحه نینگ تازه له نیشی و ییتکزیلگن ضرر نینگ انیقله نیشی بوییچه فعالیت لر هم دوام ایتماقده. 

ایتالیا حکومتی سیل دن تاثیرلنگن منطقه لر نینگ ضرورت لری نینگ تامین ایتیلیشی اوچون 2 میلیارد یورو دن آرتیق بیر منبع تخصیص ایتیلیشی گه قرار قیلگن ایدی.