مالاوی ده کولرا بیر مینگدن آرتیق کیشی نینگ اولیمی گه سبب بولدی

مالاوی ده, مارچ آییده باشله گن کولرا کسللیگی سونگّی 24 ساعتده 12 کیشی نینگ حیاتدن کوز یومیشی گه سبب بولرایکن, 626 کیشی ایسه خوددی شوو کسللیکنی یوقتیریب آلدی. 

تقریباً 20 میلیون نفوسی بولگن اوشبو اولکه ده مذکور کسللیک سببلی حیاتینی یوقاتگنلر سانی 1002 نفر گه ییترایکن, کسللیکنی یوقتیریب آلگن کیشیلر سانی ایسه 29 مینگ 995 نفر گه کوتریلیب کیتدی. 

ساغلیقنی سقلش وزیری کومبیزه کاندودو چیپاندا, انسانلرنی تمیزلیککه اهمیت بیریش و تازه سوودن فایده له نیش گه چقیردی. 

خلق ارا مقیاسده آلینگن تدبیر لر نتیجه سیده اوزاق ییللردن بیری آزه یگن کولرا واقعه لری, اقلیم اوزگریشی, یوقسللیک و اوروشلر کبی سببلر بیلن ینه آرته باشله دی. 

جهان ساغلیق نی سقلش تشکیلاتی, میلادی 2017- ییلدن باشلب 2021- ییلگه قدر دنیاده فقط گینه 20 دن آز اولکه ده کولرا واقعه سی اینیقله نرایکن, بیرته گینه میلادی 2022- ییل نینگ اوزیده 26 اولکه ده کسللیک نینگ انیقلنگن لیگینی بیلدیردی.