میمون چیچگی کسللیگی ترقه لیب بارماقده

میمون چیچگی کسللیگی نینگ, اوروپا اتفاقی نینگ 9 اولکه سیده 67 کیشیده انیقلنگن لیگی معلوم قیلینرایکن, اوشبو کسللیک نینگ کینگ قولاچ کیتیش احتمالی نینگ انچه پس ایکن لیگی بیلدیریلدی. 

اوروپا اتفاقی گه باغلیق اوروپا کسللیک لرنینگ آلدینی آلیش مرکزی, آلدین 8 اولکه ده 85 اوله راق اعلان قیلگن میمون چیچگی واقعه سی سانی نی 67 اوله راق اوزگرتدی. 

اوروپا کسللیک لرنینگ آلدینی آلیش مرکزی ریسک راپوری گه کوره, میمون چیچگی واقعه لری, جاری آی نینگ 15- و 23- کون لری آره سیده اطریش, بلجیم, فرانسه, آلمان, ایتالیا, هالند, پرتگال, اسپانیا و سویدن ده کوریندی. 

اوشبو کسللیک نینگ کسل کیشی نینگ مخاطی غشاء لری, ضرر ییتکزیلگن تیری یاکه اوزاق مدتلیک یوزمه یوز تماسده تنفس یولی بیلن یوقه دیگن لیگی بیلدیریلگن ایدی. 

اوروپا کسللیک لرنینگ آلدینی آلیش مرکزی باشلیغی اندریا آمون, موضوع بیلن علاقه لی بیرگن بیاناتیده, "موجود واقعه لرنینگ اکثریتیده یینگیل علایم کورینماقده.  کسللیک نینگ کینگ قولاچ یاییب کیتیش احتمالی جوده هم پس" دییه قید ایتدی.