تورکیه 15 اولکه دن کیله دیگن یولاوچیلردن پی سی آر تستی طلب ایتمه یدی

کرونا ویروس گه قرشی تدبیر لر دایره سیده آلدین چیت ایللردن تورکیه گه کیلگن کیشی لر اوچون مجبوری بولگن پی سی آر تستی, 15- می کونیدن باشلب 15 اولکه دن کیله دیگن یولاوچی لر دن طلب ایتیلمه یدی. 

حاضرگی کونده تورکیه گه کیلگن یولاوچی لرنینگ اوچمسدن 72 ساعت آلدین قیلینگن پی سی آر تستی نتیجه سی نی کورسه تیشی کیره ک. 

ایندی ینگی بیر قرار دایره سیده 15 اولکه دن کیله دیگن یولاوچیلردن پی سی آر تستی طلب ایتیلمه یدی. 

تورک هوا یوللری نینگ انترنت سایتیده اورین آلگن بیاناتده, "میلادی 2021- ییل 15- می کونیدن باشلب هانگانگ خودمختار منطقه سی بیلن چین, تایوان, ویتنام, آسترالیا, نیوزیلند, سنگاپور, تایلند, جنوبی کوریا, اسرائیل, جاپان, بریتانیا, لیتونیا, لوگزامبورگ, اوکراین و استونیا دن تورکیه گه کیله دیگن کیشی لر دن پی سی آر تستی طلب ایتیلمه یدی" دییه قید ایتیلدی.