امریکا مدافعه وزیر: شمالی کوریا بیلن اوروش فاجعه گه سبب بوله دی

امریکا قوشمه ایالتلری مدافعه وزیری شمالی کوریا بیلن اوروش نینگ جوده یمان بیر نتیجه سی نینگ بوله دیگن لیگی نی بیلدیردی. 

امریکا قوشمه ایالت لری مدافعه وزیری جیمز متیس, اوتگن کونی شمالی کوریا نینگ ینگی راکت لری نی آزمایش قیلگن لیگی گه عکس العمل کورسترایکن, اوشبو اولکه نینگ هسته یی برنامه لری نینگ دیپلماتیک یول لر بیلن توخته تیلمس لیگی تقدیرده, خودی منه شوو اولکه بیلن بوله دیگن اوروش نینگ فاجعه گه سبب بوله دیگن لیگی نی معلوم قیلدی. 

متیس, شمالی کوریا نینگ اوشبو حرکت لری نینگ امریکا قوشمه ایالت لری گه قره تیلگن جدی بیلن تهدید دن عبارت ایکن لیگی نی بیلدیردی. 

متیس قیلگن تلویزیونی مصاحبه سیده, "شمالی کوریا رهبری کیم جونگ اون نینگ اوشبو دیوانه گه اوخشش حرکت لری امریکا گه قرشی مستقیم بیر تهدید دن عبارت.  عینی دمده شمالی کوریا, جاپان, چین و جنوبی کوریا اوچون هم جدی بیر تهدید تشکیل ایتماقده" دییه قید ایتدی. 

بوندن تشقری, جنوبی کوریا, جاپان و چین هم شمالی کوریا نینگ اوتگن کونی قیلگن راکت آزمایشی نی قاره لب چیقدی. 

شمالی کوریا سونگگی آلتی آیده 9 مراتبه راکت آزمایشی قیلرایکن, حتی امریکا قاره سی نی اوریش کوچی گه ایگه راکت لر تولید قیلگن لیگی نی ادعا ایتماقده.