قزاقستان بیلن تورکمنستان ترانسپورت کوریدورلری نینگ ظرفیتینی آشیریش بوییچه‌ کېلیشیب آلدی

تورکمنستان دن مهم بیر هیئات قزاقستان گه تشریف بیوردی

2237078
قزاقستان بیلن تورکمنستان ترانسپورت کوریدورلری نینگ ظرفیتینی آشیریش بوییچه‌ کېلیشیب آلدی

تورکمنستان وزیرلر کینگشی باشلیغی اورین‌باسری و تشقی ایشلر وزیری ر‌شید مردوف قزاقستانده رسمي تشریف بیلن اوچره شوولر اوتکزدی.

مردوف پایتخت آستانه‌ده قزاقستان باش وزیر اورین‌باسری و تشقی ایشلر وزیری مراد نورتیله یو تامانیدن کوتیب آلیندی.

نورتیله یو و مردوف یوزمه-یوز و هیئتلر ارا اوچره شوو‌لردن سونگ قوشمه‌ مطبوعات کنفرانسی اوتکزدی.

قزاقستان تشقی ایشلر وزیری نورتیله یو ایکّی تامانلمه مناسبتلرنی ینگی باسقیچگه کوتریش اوچون کېنگ قمراولی مذاکره‌لر اوتکزگنلیکلرینی معلوم قیلدی.

تورکمنستان نینگ هم قوشنی، هم قرداش مملکت اېکنلیگیگه اعتبار قره‌تگن نورتیله یو، اینیقسه‌ تورکمنستانلیک هم‌کسبی بیلن چېگره‌داش ولایتلر اورته‌سیده‌گی همکارلیکنی کوچه‌یتیریش مسأله‌سینی تیلگه آلگنلیکلرینی تأکیدله‌دی.

نورتیله یو مملکتیده تورکمن سرمایه‌سی بیلن تخمیناً 100 ته شرکت نینگ فعالیت یوریته‌یاتگنیگه اعتبار قره‌تیب، شو دایره‌ده ترانزیت کوریدورلری نینگ ظرفیتینی آشیریش بوییچه‌ کېلیشیب آلگنلیکلرینی بیلدیردی.

اینیقسه‌ "قزاقستان-تورکمنستان-اېران" یونه‌لیشیده‌گی تېمیر یول ترماغی نینگ ستراتېژیک اهمیتینی تأکیدله‌گنلرینی ایتگن نورتیله یو، بوندن تشقری مملکتلری آرقه‌لی اوته‌دیگن چین بیلن اېران اورته‌سیده‌گی تېمیر یولنی رواجلنتیریش، چېگره‌ده‌گی کنترول مرکزلرینی جانلنتیریش مسأله‌لرینی کوریب چیققنلرینی معلوم قیلدی.

تورکمنستان تشقی ایشلر وزیری مردوف هم تورکمنستان بیلن قزاقستان اورته‌سیده سیاسي علاقه‌لرنی کوچه‌یتیریش بوییچه‌ کېلیشیب آلگنلرینی ایتدی.

آرال دېنگیزی مسأله‌سیده هم مصلحتلشگنلرینی بیلدیرگن مردوف، قزاق هم‌کسبی بیلن بو باره‌ده قوشمه‌ ایشلرنی دوام اېتتیریش بوییچه‌ بیر فکرگه کېلگنلرینی بیلدیردی.

انرژی‌ ساحه‌سیده، اینیقسه‌ گاز سکتوریده قزاقستان بیلن همکارلیکنی رواجلنتیریشگه تیار اېکنلیکلرینی بیلدیرگن مردوف، "خزر دېنگیزی نینگ شرقیده ترا‌نس خزر کوریدوری همده‌ قزاقستان-تورکمنستان-اېران یونه‌لیشیده‌گی تېمیر یول ترماغی نینگ رواجلنتیریلیشی مهم‌لیگینی تأکیدله‌دیک"، دېب ایتدی.



علاقه لی ینگی لیکلر