تهرانده هوا افلاسلنیشی قیزیل درجه‌گه یېتگن وضعیتده
هوا افلاسلنیشی برچه اوچون ساغلیققه ضررلی ایتیب بهالنماقده
2236269
اېران نینگ پایتختی تهرانده هوا افلاسلنیشی برچه اوچون ساغلیققه ضررلی دېب حسابلنگن "قیزیل" درجه‌گه یېتگنی معلوم قیلیندی.
تهران هوا صفتینی اولچش کمپنیسی نینگ انترنېت سایتیده اعلان قیلینگن معلوماتلرگه کوره، پایتختده‌گی هوا افلاسلنیشی توناون قیزیل درجه‌گه کوتریلدی.
هوا صفتی ایندېکسی اورته‌چه 160 میکروگرام/ مترمکعب درجه‌سیگه کوتریلگنی و بونگه کوره، پایتخت هواسی برچه اوچون ساغلیققه ضررلی و خوفلی حالتگه کېلگنی قید اېتیلدی.
تهرانده هر ییلی قیش آیلریده کوزه‌تیله‌دیگن هوا افلاسلنیشی حیاتگه سلبي تأثیر قالدیرماقده.
هوا ایلنیشیگه ماس بولمه‌گن جایلشووی و اهالی کوپلیگی بیلن بیر قطارده، ایشله‌تیله‌یاتگن یاقیلغی نینگ صفتسیز اېکنلیگی تهرانده هوا افلاسلنیشینی کوچه‌یتیرووچی عامللر قطاریده کورسه‌تیلماقده.
