تورکيه-اېران اورته سیده ایکینچیلیک ساحهسی بوییچه جلسه بولیب اوتدی
ایککی اولکه هیئتلری اورته سیده گی اوشبو جلسه تورکیه نینگ پایتختی انقره ده اویوشتیریلدی
ایکینچیلیک و اورمان وزیری ابراهیم یوماکلی، اېران بیلن همکارلیک ساحهلرینی کېنگهیتیریش و رواجلنتیریشنی دوام اېتتیره جکلرینی ایتدی.
ابراهیم یوماکلی پایتخت انقرهده اوتکزیلگن تورکيه-اېران ایکینچیلیک ساحهسیدهگی همکارلیک اوچرهشوویده سوزگه چیقدی.
یوماکلی، تورکيه صفتیده، اېران بیلن ایکّی تامانلمه سودا حجمینی 30 میلیارد دالرگه اېریشیشی اوچون همکارلیکنی کېنگهیتیریب دوام اېتتیره جکلرینی ایتدی.
اېران نینگ تورکيه نینگ آسیاگه آچیلگن ایشیگی، تورکيه نینگ اېسه اېران نینگ اروپاگه آچیلگن ایشیگی اېکنلیگیگه اشاره قیلگن یوماکلی، "چېکلاولر طفیلی قوشنی اېران بیلن اقتصادي و سودا علاقهلریمیزنی توختهتمهدیک، بوندن کېین هم توختهتمهیمیز"، دېدی.
حاضرگی وضعیتده چېکلاولرنینگ اېران بیلن مناسبتلرده، اینیقسه بانک تیزیمیدن کېلیب چیقهدیگن معمالرگه سبب بولهیاتگنینی تأکیدلهگن وزیر یوماکلی، "بو و شونگه اوخشش معمالرنینگ قیسقه وقت ایچیده حل اېتیلیشینی امید قیلهمیز"، دېب ایتدی.
