پاکستان‌ده اولگنلر سانی یوزدن آشیب کیتدی
اكستانده قبیله لر آره سیده گی توقنه شوو بیر هفته دن بیری دوام ایتماقده
پاكستانده بیر هفته دن بیری دوام ایته‌یاتگن قبیله‌لر آرسیده‌گی اوروشلرده حیاتینی یوقاتگنلر سانی ۱۰۲ گه ییتدی.
اولکه‌نینگ خیبر پختونخوا ولایتی نینگ پایتختی پشاور دن ۲۱۸ کیلومتر اوزاقلیکده جایلشگن کرم منطقه‌سی ده وقت وقت شیعه و سنی قبیله‌لر آره‌سیده کوپ تلفات گه سبب بولگن اوروشلر یوز بیرماقده.
جئو نیوز گه کوره، افغانستان چیگره سیده جایلشگن بو منطقه ده بیر هفته دن بیری دوام ایته‌یاتگن قبیله‌لر آره‌سیده‌گی اوروشلرده وفات ایتگنلر سانی ۱۰۲ گه، یره‌لنگنلر سانی ۱۳۸ گه ییتدی.
منطقه ده اوتکن ۷ کون دن بیری تعلیم مؤسسه‌لری و دوکانلر آچیلمه‌دی، قبیله‌لر جایلشگن منطقه‌لرنی بیر-بیریگه باغلا‌بوچی پشاور-پاراچنار قتناو یولی‌هم ترافیک که یپیلدی.
کرم ده ۲۱ نوامبر پنجشنبه کونی شیعه‌لرنی تشیه‌تگن یولاوچی کاروانی گه جنگریلر تامانیدن قوراللی هجوم اویوشترلیشی عاقبتیده کمیده ۴۲ کیشی حیاتینی یوقاتگن ایدی.
بو هجوم‌دن کین منطقه ده شیعه و سنی قبیله‌لر آرسیده اوروش باشلب کیتگندی.
۲۴۰ میلیون نفوسلی پاكستانده شیعه‌لر اولکه اهالیسی‌نینگ تخمینا‌ن ۱۵ فایزینی تشکیل ایتماقده.
علاقه لی ینگی لیکلر
ایران: سوریه ده قوراللی موجودلیگیمیز قالمه دی
اوشبو بیانات ایران انقلابي محافظ قوشینلری قومندانی حسین سلامی تامانیدن بیریلدی
ایران ده ایککی مرته ییر سیلکینیشی یوزبیردی
اوشبو حادثه ایران‌نینگ جنوب غربیده جایلشگن خوزستان ولایتیده یوزبیردی
