پاکستان ده گی توقنه شوولرده اونلب کیشی حیاتینی یوقاتدی

پاکستان نینگ شمال-غربیده ۴ کوندن بیری داوام ایته یاتگن قبیله لر آره سیده گی توقنه‌شووده حیاتینی یوقاتگنلر سانی ۸۵ گه کوتریلدی.

پاکستان نینگ خیبر پختونخواه ایالتی نینگ پایتختی پیشاورگه ۲۱۸ کیلومتر اوزاقلیقده گی کورم منطقه سیده وقتی-وقتی بیلن شیعه و سنی قبیله لر آره سیده کوپلب کیشی نینگ اولدیریلگن توقنه‌شوولر یوز بیرماقده.

افغانستان چیگره سیده جایلشگن منطقه ده، سونگی ۴ کوندن بیری داوام ایته یاتگن قبیله لر آره سیده گی توقنه‌شووده ۱۲ کیشی نینگ حیاتینی یوقاتیشی بیلن اولگنلر سانی ۸۵ گه کوتریلدی.

منطقه ده سونگی ییللرنینگ اینگ قانلی توقنه‌شووی یوز بیررکن، مسؤللر، طرفلر و منطقه نینگ کتته لری بیلن کوریشیب بحراننی توشیریشگه حرکت قیلماقده.

کورم ده ۲۱ نوامبر پنجشنبه کونی شیعه لرنی تاشیه یاتگن یولاوچی کاروانیگه جنگریلر طرفیدن قورللی هجوم اویوشتیریش واقعه سیده کمیده ۴۲ کیشی جان بیرگن ایدی.

هجومدن کیین منطقه ده شیعه و سنی قبیله لر آره سیده توقنشوو باشلنگن ایدی.

۲۴۰ میلیون اهالیسی بولگن پاکستانده شیعه لر یورت نینگ تخمیناً ۱۵ فایزینی تشکیل ایته دی.