ایران جمهور رئیسی پزشکیان اسرائیل گه شرط قویدی

ایران جمهور رئیسی مسعود پزشکیان یورتی گه قرشی هجوم‌لرگه جواب بېره‌جکلرینی، لېکن شونینگ توری و شدتی، اسرائیل نینگ آتشکیسنی قبول قیلیشی تقدیرده اوزگریشی ممکن‌لیگینی بیلدیردی.

مسعود پزشکیان، پایتخت تهران‌ده اوتکزیلگن کابینه ییغینیده سوزله‌دی.

اسراییل‌نینگ منطقه‌ده دوام ایته‌یاتگن تجاوزکار حرکتلریگه دقت قره‌تگن پزشکیان، امریکا قوشمه ایالتلری و اوروپالیک رهبرلرنینگ ایران‌نینگ حماس سیاسی دفتری باشلیغی اسماعیل هنیه سوئ قصدیگه قرشیلیک کورستمه‌گن تقدیرده غزه‌ده آتشکیس اعلان قیلینه‌جگی گه تیگیشلی وعده بیرگنلرینی خاطرله‌تیب، شونی اېتدی:

"حکومتیمیز‌نینگ ایلک کونلریده هنیه‌گه قیلینگن سوئ‌قصد بیلن اوروشنی قوزغه‌تگن طرف صهیونیستیک رژیم ایدی. بعضی اولکه‌لر‌نینگ مصلحتلری گه بناً، معصوم عیال و باله‌لر‌نینگ اولدیریلیشی‌نینگ توخته‌تیلیشی امیدیده اعتدال‌لی یا‌ناشدیک، لېکن اسرائیل جنایتلرینی کوچه‌یتیردی."

اولکه‌سی‌نینگ اسرائیل‌نینگ سونگی هجومی گه جواب بېره‌جگینی تکرارله‌گن پزشکیان "اگر حرکتلرینی قیته‌دن کوریب چیقیب آتشکیسنی قبول قیلسه‌لر و منطقه‌ده‌گی مظلوم و معصوم انسانلرنی اولدیریشنی توختتسه‌لر، بو بیزنینگ بېره‌دیگن جوابیمیز‌نینگ توری و شدتیگه تأثیر قیلیشی ممکن بوله‌دی" دېدی.