پاکستان ده هوا افلاسلیگی طفیلی مکتبلر تعطیل قیلیندی
پاکستان‌نینگ لاهور شهریده هوا افلاسلیگی ریکورد سویه‌گه چیقدی
پاکستان‌نینگ لاهور شهریده هوا افلاسلیگی رېکورد سویه‌گه چیققنی سببلی، برچه باشلنغیچ مکتب‌لرده تعلیم بیر هفته‌لیک توخته‌تیلدی.
داون گزېته‌سی‌نینگ خبریگه کوره، مسؤول‌لر، پاکستان‌نینگ پنجاب ولایتیده‌گی لاهور شهری بوییچه دوام ایته‌یاتگن هوا افلاسلیگی گه قرشی تورلی چاره- تدبیر‌لر قبول قیلدی.
ولایت ییتکچیلری، هوا صفتی‌نینگ پسه‌یگنی سببلی شهرده‌گی برچه باشلنغیچ مکتب‌لرده تعلیم‌نینگ بیر هفته توخته‌تیله‌جگینی اعلان قیلدی.
پنجاب ییتکچیلریدن مریم اورنگزېب اوتکزگن مطبوعات ییغینیده، یوقاری سویه‌گه چیققن هوا افلاسلیگی‌نینگ باله‌لر اوچون خطرلی ایکنلیگینی بیلدیریب، مکتب‌لرده ماسک تاقیش‌نینگ مجبوری بولیشی کیره‌کلیگینی تاکیدله‌دی.
پنجاب حکومتی، ۳۰-اوکتوبرده، لاهورده هوا افلاسلیگی کوپ بولگن منطقه‌لرده هوا صفتینی پسه‌یتیره‌دیگن فعالیت‌لرگه چیکلاو قویگن ایدی.
هوا صفتی ایندېکسی (AQI) معلومات‌لریگه کوره، ۲-نوامبرده شهرده‌گی هوا افلاسلیگی سویه‌سی جهان ساغلیکنی سقلش تشکیلاتی (WHO) طرفیدن "قبول قیلینه‌دیگن" دېب قره‌لگن سویه‌دن ۴۰ برا‌بر یوقاری چیققن و لاهور، "دنیا بوییچه هوا افلاسلیگی اینگ یوقاری سویه‌گه کوتریلگن شهر" وضعیتی‌گه کېلگن ایدی.
علاقه لی ینگی لیکلر
ایران ده ایککی مرته ییر سیلکینیشی یوزبیردی
اوشبو حادثه ایران‌نینگ جنوب غربیده جایلشگن خوزستان ولایتیده یوزبیردی
