آلمان، ایران‌نینگ بعضی بیر قونسلخانه لرینی یاپیب قویدی
آلمان، ایران‌نینگ آلمان وطنداشی جمشید شارمهد‌نی اعدام ایتیشیگه جواب صفتیده بو قرارنی آلدی
آلمان، ایران‌نینگ آلمان وطنداشی جمشید شارمهد‌نی اعدام ایتیشیگه جواب صفتیده فرانکفورت، مونیخ و هامبورگ باش قونسل‌خانه‌لرینی یاپیش قراری آلدی.
آلمان تشقی ایشلر وزیری اننالېنا بېربوک، امریکا قوشمه ایالتلری‌نینگ نیویورک شهریده قیلگن صحبتیده، ایران‌نینگ مرکزی امریکا بولمیش رژیم گه قرشی تشکیلات رهبری دېب ادعا قیلینگن و یورتده ترور حرکتلری اویوشتیریشده عیبلنگن ایران-آلمان وطنداشی جمشید شارمهد‌نی اعدام ایتیشینی ینه بیر بار قاره‌له‌دی.
بېربوک بیر آلمان وطنداشی‌نینگ اعدام ایتیلیشی‌نینگ جدی نتیجه‌لری بولیشینی تهران‌گه بیر نېچه مرته آچیق افاده‌له‌گنلرینی بیلدیریب، "شو سببلی فرانکفورت، مونیخ و هامبورگ‌ده‌گی ۳ ایران باش قونسل‌خانه‌سینی یاپیشگه قرار قیلدیم" دېدی.
بېربوک، تهران‌ده‌گی آلمان ایلچی‌خانه‌سی آچیق قالیشینی ایتیب، "چونکه اولرنی یاپیش بونده‌ی رژیملرگه قیله آله‌دیگن اینگ کتته یخشیلیگیمیز بوله‌دی" دېب گپیردی.
بو حالتدن ۳۲ ایرانلی قونسلخانه خادمی تأثیرلنه‌دی و آلمان وطنداشلیگی گه ایگه بولمه‌سه‌لر، اقامه حقلرینی یوقاتیب، یورتنی ترک ایتیشگه مجبور بوله‌دیلر.
آلمان حکومتی حاضرگچه بونده‌ی جزالاوچی چاره‌لرگه فقط بیر مرته اوکراین‌گه قیلینگن هجوم نتیجه‌سیده تورت روس باش قونسل‌خانه‌سینی یاپیب قویگن ایدی.
لېکن برلین‌ده‌گی ایران ایلچی‌خانه‌سی آچیق قاله‌دی و آلمان‌ده‌گی ۳۰۰ مینگ ایرانلی بو یېردن قونسل‌لیک خذمتلرینی آلیشنی دوام ایتتیره آله‌دی.
جدی روشده کېسکین بولگن آلمان-ایران مناسبتلری، باش قونسل‌خانه‌لر یاپیلیشی بیلن ینه‌ده قیین‌لشدی. ایران‌نینگ هم بونگه قرشی چاره‌لر کوریش احتمالی کوچلی.
آلمان تشقی ایشلر وزیرلیگی، شارمهد حقیده‌گی اعدام قراریدن کېین ایککی ایرانلی دیپلومات‌نی چېگره‌دن چیقریب یوبارگن ایدی. ایران هم عینی سانده آلمان دیپلومات‌نی چېگره‌دن چیقریب جواب بېرگن ایدی.
تهران‌ده‌گی آلمان ایلچیسی مارکوس پوتزېل، مصلحتلر اوچون آلمان‌گه چقیریلگن ایدی.
تشقی ایشلر وزیرلیگی ایران‌گه سفر قیلمسلیک حقیده اگاهلنتیردی و آلمان وطنداشلریدن یورتنی ترک ایتیشلرینی سوره‌دی.
علاقه لی ینگی لیکلر
پاکستان‌ده اولگنلر سانی 130 کیشی گه ییتدی
پاكستانده قبیله لر آره سیده گی توقنه شوولر ایککی هفته دن بیری دوام ایتماقده
