پاکستان ده یوزبیرگن توقنه شوو عاقبتیده کوپلب کیشی حیاتینی یوقاتدی

پاکستان نینگ خیبر پختونخواه ولایتیده شیعه‌ و سنّی قبیله‌لری اورته‌سیده 20-سپتامبردن بېری دوام اېته‌یاتگن توقنه‌شوولرده کمیده 25 کیشی حیاتگه کوز یومدی.

خیبر پختونخواه ولایتی سوزچیسی سیف علی مطبوعاتگه بېرگن بیاناتیده، منطقه‌ده‌گی بحران و یېر کیلیشماوسیزلیکلرینی حل قیلیش اوچون حرکت قیله‌یاتگن لیکلرینی ایتدی.

سیف علی، اوشبو توقنه‌شوولر نتیجه‌سیده کمیده 25 کیشی نینگ هلاک بولگنینی، اونلب کیشی نینگ یره‌لنگنینی معلوم قیلدی.

20-سپتامبر کونی خیبر پختونخواه ولایتی نینگ کُرّم تومنیده، بحثلی یېر اوستیگه قوریلگن بنا طفیلی رقیب قبیله‌لر اورته‌سیده آغیر قوراللر قوللنیلگن توقنه‌شوو یوز بېرگن اېدی.

240 میلیون اهالیگه اېگه‌ پاکستانده شیعه‌لر مملکت اهالیسی نینگ تخمیناً 15 فایزینی تشکیل قیله‌دی.

جولای آییده هم تامانلر اورته‌سیده اولیم بیلن یکونلنگن توقنه‌شوولر بولیب اوتگن اېدی