ایران ده بیر کیمه سووگه چوکیب کیتدی

ایران نینگ "آرا بهتر یک" ناملی یوک کیمه‌سی کو‌یت دینگیز سوولری ساحه سیده چوکیب کیتیشی عاقبتیده 6 کیشیلیک پرسونلدن 3 نفری نینگ جسدی تاپیلدی.

ایران نینگ یریم رسمی مِهر خبر آژانسی نینگ خبریگه کوره‌، ایران بندرلر و دینگیزچیلیک تشکیلاتی دینگیز خوفسیزلیگی و حمایه‌سی باشلیغی ناصر پسنده واقعه‌ حقیده معلومات بیردی.

ایران نینگ "آرا بهتر یک" ناملی یوک کیمه‌سی کو‌یت دینگیز سوولری ساحه سیده چوکیب کیتگن لیگینی بیلدیردی.

او واقعه‌ نینگ 1 سپتامبر کونی یوزبیرگن لیگینی حادثه حقیده خبر کیلیشی بیلن کو‌یت دینگیز قیدیروو و قوتقروو مرکزی بیلن علاقه‌گه اوتگنلرینی و قیدیروو-قوتقروو عملیاتی باشلنگنینی ایتدی.

پسندی نینگ ایتیشیچه، کیمه‌ده بولگن ایران و هندوستان وطنداشلریدن عبارت 6 کیشیلیک پرسونلدن 3 نفری نینگ جسدی تاپیلگن، قالگن 3 کیشینی قیدیریش ایشلری ایسه دوام ایتماقده.