تورکیه پاکستانده اویوشتیریلگن هجومنی قاره له دی

تورکیه جمهوریتی, پاکستان نینگ بلوچستان ایالتیده اویوشتیریلگن ترورچیلیک هجومی نی قاره لب چیقدی. 

اوشبو توغریده تورکیه جمهوریتی تشقی ایشلر وزیرلیگی تامانیدن یازمه بیانات بیریلدی. 

بیاناتده, هجوم نینگ قاره لنگن لیگی, حیاتینی یوقاتگن لر گه الله تعالی دن رحمت طلب قیلینگن لیگی و عایله اعضالری گه ایسه قیغوداشلیک بیلدیریلگن لیگی معلوم قیلینرایکن, "تورکیه, تروریزم گه قرشی کوره ش بوییچه دوست و قرداش پاکستان حکومتی و خلقی بیلن انیق همکارلیک قیله دی" دییه قید ایتیلدی. 

پاکستان مطبوعاتی آرقه لی ترقه تیلگن خبرلرگه کوره, بلوچستان ایالتیده کیچه یولنی توسیب قویگن قوراللی کیشی لر, موتر لرنی توخته تیب انسان لرنی توشیریش لری آرتیدن اسنادی نی کوریب کیین ایسه یولاوچی لر گه قره ته اوق اوزگن ایدی. 

هجومده کمیده 23 کیشی حیاتینی یوقاترایکن, 10 موتر ایسه یانگن ایدی. 

ترورچی لرنینگ یولاوچی لرنینگ اسنادی نی کوریشی آرتیدن پنجابی لر نی آتیب اولدیرگن لیگی معلوم قیلینگن ایدی.