پاکستانده اویوشتیریلگن هجومده کوپلب کیشی حیاتینی یوقاتدی

پاکستان نینگ بلوچستان ایالتیده قوراللی کیشی لرنینگ یولاوچی لر گه قره ته اویوشتیرگن ترورچیلیک هجومیده کمیده 23 کیشی حیاتینی یوقاتدی. 

پاکستان مطبوعاتی نینگ بیرگن خبریگه کوره,  موسی خیل تومنیده کیچه یول نی توسگن قوراللی کیشیلر, موتر لر نی توخته تیب یولاوچی لرنی توشیریب اسناد لرینی کوریشی آرتیدن اولر گه قره ته اوق اوزدی. 

هجومده کمیده 23 نفر یولاوچی حیاتینی یوقاتدی و 10 موتر ایسه یاندی. 

ترورچی لرنینگ پنجابی بولگن کیشی لرنی آتیب اولدیرگن لیک لری معلوم قیلیندی. 

منطقه گه کیلگن پولیس و تیز یاردم تیم لری, جسد لر و زخمی لرنی اینگ یقین کسلخانه لر گه آلیب باردی. 

پاکستان جمهوررئیسی آصف علی زرداری و پاکستان باش وزیری شهباز شریف اوشبو حادثه نی قاره لب تروریزم گه قرشی کوره ش بوییچه قرارلی ایکن لیک لرینی بیلدیردی. 

شریف, ترورچی لرنینگ جزالنتیریله دیگن لیک لرینی معلوم قیلدی. 

بلوچستان ایالتی باش وزیری سرفراز بوغتی هم عادی اهالی گه قره تیلگن اوشبو ترورچیلیک هجومینی قاره لرایکن, ترورچی لرنینگ اوشله نه دیگن لیک لرینی بیلدیردی.