شوکت میرضیایف: اورته آسیا اولکه لری آره سیده ویزه سیز سفر قیلینیشی کیره ک

اوزبیکستان جمهوررئیسی شوکت میرضیایف اورته آسیا دولت لری اورته سیده فقط گینه تذکره بیلن سفر قیلیش امکانیتی نینگ تامین ایتیلیشی کیره ک ایکن لیگینی معلوم قیلدی. 

آستاده ده بولیب اوتگن اورته آسیا دولت رهبر لری 6- مصلحت ییغیلیشیده معروضه قیلگن میرضیایف توریزم نینگ منطقه ده گی همکارلیک بوییچه ینگی و مهم بیر کوچدن عبارت ایکن لیگینی بیلدیردی. 

میلادی 2023- ییل 1- سپتامبردن بیری قیرغزستان بیلن اوزبیکستان اورته سیده بونگه اوخشش بیر سیستم موجود.  ایکله اولکه وطنداش لری پاسپورت اورنیگه تذکره لریدن فایده له نیب چیگره لردن اوتیش امکانیتی گه ایگه. 

اوزبیکستان رهبری, سونگّی 6 ییلده اورته آسیا دولت لری نینگ اورتاق مسئله لرنی ییچیش اوچون اوز ارا همکارلیک نی آرتیرگن لیگی, تجارت, سرمایه گذارلیک, ترانسپورت و سیاحت کبی ساحه لرده گی پروژه لر دایره سیده اورتاق منطقه کیملیگی نینگ کونساین کوچه ییب باریاتگن لیگینی معلوم قیلدی.