روسیه بیلن ایران تشقی ایشلر وزیرلری اوزارا سوزلشوو اوتکزدی

روسیه تشقی ایشلر وزیری سرگی لاوروف بیلن ایران تشقی ایشلر وزیری حسین امیر عبداللهیان اوزارا سوزلشدی.

روسیه تشقی ایشلر وزیرلیگی تامانیدن بیریلگن بیاناتگه کوره خوددی شو سوزلشووده غزه نواریده گی سونگگی وضعیت و موجود وضعیت گه تیگیشلی خواطرلر تیلگه آلینگن لیگی شونده ی بولیب "تیزده آتشکیسین و تینچ اهالی گه تیزلیک بیلن یاردم ییتکیزیلیشی کیره ک لیگی" تاکییدلنگن.

اسرائیل نینگ غزه نی اشغال ایتیب آلیش اورونیشیده سونگگی وضعیت

حماس نینگ حربی ترماغی قسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگندی.

اسرائیل اردوسی بیلدیریشیچه 7 اکتوبردن بوگونگچه 62 ته سی غزه نینگ ایچیده گی توقنه شوولرده و 6 ته سی لبنان چیگره سیده توپلم 383 ته اسرائیل حربیسی اولدیریلگن.

اسرائیل اردوسی خبر بیریشیچه القسام کوچلری نینگ قولیده 239 ته اسرائیل لیک اسیر بار.

غزه ده گی حکومت معلوم قیلیشیچه 7 اکتوبردن بوگونگچه اسرائیل نینگ هجوملری عاقبتیده غزه نواریده 5 مینگ ته سی باله، 3 مینگ 300 ته سی خاتین – قیز توپلم 12 مینگ 300 کیشی اولدیریلگن.

اشغال آستیده گی غربی نوار و بیت المقدس ده 7 اکتوبردن بوگونگچه اسرائیل کوچلری و یهودی ناقللرنینگ هجوملری عاقبتیده 214 ته فلسطینلیک جان بیرگن.

اسرائیل اردوسی غزه ده اون مینگلب یره لی و تینچ اهالی سیغینگن اونلب کسلخانه نی زوروانلیک بیلن تخلیه قیلیش اوچون کسلخانه لرنی اوردی. اشغال پیتیده بعضی بیر کسلخانه لرگه باسقین قیلدی. خوددی شو هجوملرده یوزلب کیشی اولیب یره لندی.