هندوستانده کلتکلنگن مسلمان یاش ییگیت حیاتینی یوقاتدی

هندوستان پایتختی ینگی دهلی ده "معبد دن نان اوغیرله گن لیگی" ادعا سی بیلن کلتکلنگن, 26 یاشلی روانی کسللیگی بولگن مسلمان یاش ییگیت ایثار محمد حیاتینی یوقاتدی. 

ایندیپندینت روزنامه سی نینگ بیرگن خبریگه کوره, محمد نینگ, هندو لرنینگ تنگری لری گه اجره تیلگن " prasad" ناملی نان نی اوغیرله گن لیگی ادعا ایتیلدی. 

بیر گروپ ایرکک یاش لر تامانیدن پایه گه باغله نیب قتتیق کلتکلنگن لیگی نی بیلدیرگن پولیس مسئول لری, محمد نینگ روانی کسللیگی سببلی معبد مسئول لری گه وضعیت نی توشینتیره آلمه گن لیگی نی معلوم قیلدی. 

محمد نینگ بیر نیچه ساعت قتتیق کلتکله نیب کوچه گه ترک ایتیلگن لیگینی معلوم قیلگن عایله سی هم هر جاییده یره لر بولگن لیگی, بیر قوشنی لری تامانیدن اوی گه آلیب باریلیشی دن قیسقه بیر مدت کیین حیاتینی یوقاتگن لیگینی بیلدیردی. 

محمد نینگ 5 ایرکک تامانیدن کلتکلنگن لیگی و توخته ش لری اوچون اِیلنگن لیگی بیلن علاقه لی تصویر لر اجتماعی ترماق آرقه لی ترقه تیلدی. 

اوشبو حادثه بیلن علاقه لی 7 کیشی اوشلندی. 

محلی منبع لر اوشبو یاش ییگیت نینگ معبد ده نان ییگن لیگی اوچون کلتکلنگن لیگینی بیلدیردی.