ایران جمهور باشلیغی سعودی عربستان باشقروویگه پیام جونتدی

ایران جمهور باشلیغی ابراهیم رئیسی نینگ سعودی عربستان قرالی سلمان بن عبدالعزیز بیلن ولیعهد شهزاده محمد بن سلمان گه «اوزارا مناسبتلرنی کوچه یتیریلیشی» توغریسیده پیام جونتگن لیگی بیلدیریلدی.

سعودی عربستان رسمی خبر آژانسی SPA ده اورین آلگن خبرگه کوره ایران نینگ ریاض بویوک ایلچیسی علی رضا عنایتی، پایتخت ریاض ده گی اوچره شوولریده ایران جمهور باشلیغی ابراهیم رئیسی نینگ سعودی عربستان قرالی سلمان بن عبدالعزیز بیلن ولیعهد شهزاده محمد بن سلمان گه جونتگن پیاملرنی سعودی عربستان تشقی ایشلر وزیری اورینباسری ولید الخارجی گه ییتکیزیب بیرگن.

خبرده پیاملرنینگ "اوزارا مناسبت و بو مناسبتلرنینگ ایریم ساحه لرده قوللب – قوتلش و کوچه یتیریلیشی" توغریسیده ایکن لیگی بیلدیریلدی.

بویوک ایلچی عنایتی بیلن وزیر اورینباسری خارجی نینگ خوددی شو اوچره شووده ایککی اولکه اورته سیده گی مناسبتلرنینگ مشترک مصلحت بیلن بوله دیگن شکلده کوچه یتیریلیشی گه تیگیشلی موضوعلرنی تیلگه آلگن لیگی شونده ی بولیب تامانلرنینگ مشترک منفعتلریگه تیگیشلی مسئله لرنی هم تارتیشیلگن لیگی معلوم قیلیندی.