پاکستان تورکیه بیلن همکارلیکلرنی ینه ده رواجلنتیرماقچی
اوشبو مطلب نی پاکستان باش وزیری بیلدیرگن
رادیو پاکستان نینگ بیرگن خبریگه کوره, تورکیه نینگ اسلام آباد ایلچیسی محمد پاچاجی, پاکستان باش وزیری شهباز شریف تامانیدن قبول قیلیندی.
اوچره شووده شریف, تجارت, سرمایه گذارلیک, عالی تحصیل, توریزم و زیربنا کبی ساحه لر بوییچه تورکیه بیلن همکارلیکلرینی ینه ده رواجلنتیرماقچی ایکن لیکلرینی بیلدیردی.
شریف, تورکیه بیلن پاکستان نینگ اورتاق عقیده و ایکّی تامانلمه حرمت دایره سیده اوزاق مدتدن بیری مناسبت لر گه ایگه ایکن لیگینی بیلدیررایکن, پاکستان و تورک خلق لری نینگ بیر بیر لری گه حرمتی نینگ کتته ایکن لیگینی معلوم قیلدی.
تورکیه گه سفر قیلگن پیتده تورک شرکتلر بیلن ییغیلیش اوتکزگن لیگینی معلوم قیلگن شریف, "منه شوو حاضر پاکستانده سرمایه گذارلیک قیلیش نینگ اینگ یخشی وقتی و بیز تورک شرکت لری نینگ اوشبو توغریده گی قیزیقیشی نی خرسندچیلیک بیلن کوتیب آلماقده میز" دییه قید ایتدی.
پاکستان باش وزیری, تورکیه جمهوریتی جمهوررئیسی رجب طیب اردوغان و تورک حکومتی گه مهمان دوستلیگی اوچون منتدارچیلیک بیلدیردی.
شریف, جمهوررئیس اردوغان نینگ قسم یاد مراسمی گه اشتراک قیلیش اوچون 3- و 4- جون کونلریده تورکیه ده ایدی.
علاقه لی ینگی لیکلر
پاکستانده ترورچیلیک هجوملری عاقبتیده 57 کیشی حیاتینی یوقاتدی
اوشبو ترورچیلیک هجوم لری بلوچستان و خیبرپختونخوا ایالتلریده اویوشتیریلدی
