پاکستانده اویوشتیریلگن قوراللی هجوم عاقبتیده کوپلب اوقیتووچی حیاتینی یوقاتدی
اوشبو حادثه خیبر پختونخوا ایالتیده یوز بیردی

پاکستان نینگ خیبر پختونخوا ایالتی گه باغلیق پاراچنار شهریده, بیر مکتب گه قره ته اویوشتیریلگن قوراللی هجوم عاقبتیده آلینگن دستلبکی معلوماتگه کوره 7 نفر اوقیتووچی حیاتینی یوقاتدی.
ترقه تیلگن خبرلرده, پاراچنارده بیر لیسه ده, سیناو جریانیده کیم ایکن لیگی انیقلنمه گن کیشی لر تامانیدن قوراللی هجوم اویوشتیریلگن لیگی بیلدیریلدی.
آلینگن دستلبکی معلوماتگه کوره, اوشبو حادثه عاقبتیده 7 نفر اوقیتووچی نینگ حیاتینی یوقاتگن لیگی معلوم قیلیندی.
خوفسیزلیک مسئوللری, هجوم نینگ سببی نی تیکشیریاتگن لیکلرینی معلوم قیلرایکن, اوشبو حادثه نینگ ترورچیلیک هجومی دن عبارت بولیشی نینگ ممکن ایکن لیگینی بیلدیردی.
ترورچیلیک هجوم لری نینگ اونچه کوپ بولمه گن پاراچنار نفوسی نینگ کوپچیلیگی نی شیعه لر تشکیل ایتماقده.
خیبر پختونخوا ایالتی گه باغلیق پشاور شهریده, میلادی 2014- ییل دسامبر آییده بیر مکتب گه قره ته اویوشتیریلگن قوراللی هجوم عاقبتیده اوقووچیلر و اوقیتووچی لر دن تشکیل تاپگن 148 کیشی حیاتینی یوقاتگن ایدی.
علاقه لی ینگی لیکلر

ایران دولتی امریکا قوشمه ایالتلری نی قتّیق قاره له دی
امریکا قوشمه ایالتلری ینگی رهبریتی نینگ اېران نینگ قانوني سوداسی گه توسیق بولیش بیلن عیبله ماقده