اوزبیکستان ده افغانستان موضوعی بوییچه جلسه بولیب اوتدی

اوزبیکستان، ایران، پاکستان، روسیه، تاجکستان، تورکمنستان و چین افغانستان ده اقتصادنی رواجلنتیریش اوچون مشترک میکانیزم ایجاد ایتیلیشی بوییچه کیلیشیب آلدی.

اوزبیکستان نینگ سمرقند شهریده افغانستان بیلن قوشنی اولکه لر اوزبیکستان، ایران، پاکستان، روسیه، تاجکستان، تورکمنستان و چین اورته سیده جلسه بولیب اوتدی.

اوزبیکستان تشقی ایشلر وزیری اورینباسری بختیار سعیدوف نینگ میزبانلیگیده اویوشتیریلگن جلسه گه ایران تشقی ایشلر وزیری حسین امیر عبدالله یان، پاکستان تشقی ایشلردن مسؤل دولت وزیری هینا ربانی خار، روسیه تشقی ایشلر وزیری سرگی لاوروف ، تاجکستان تشقی ایشلر وزیری سراج الدین مهرالدین، تورکمنستان تشقی ایشلر وزیری اورینباسری  وفا حاجی یف و چین تشقی ایشلر وزیری چین گنگ قتنشدی.

اوزبکستان تشقی ایشلر وزیرلیگی تامانیدن جلسه بیلن تیگیشلی بیریلگن یازمه بیاناتگه کوره مذکور وزیرلر افغانستان ده اقتصادنی رواجلنتیریش اوچون مشترک میکانیزم ایجاد ایتیلیشی بوییچه کیلیشیب آلگن.

افغانستان ده خلق ارا ترورچیلیک مخدره مواد ایشلب چیقریش و قاچاقچیلیگی گه قرشی کوره ش موضوعلرینی هر تامانلمه قولگه آلگن وزیرلر افغانستان ده گی موجود وضعیت، اولکه ده کینگ بیر باشقروو ایجاد ایتیلیشی، خاتین – قیزلرنینگ تعلیم آلیش امکانیتلری بیلن بیر قطارده اقلیتلرنینگ ملی حقلری نینگ قوریقلنیشی کبی دنیا همجمعیتی نینگ طلبلری ینگی باشقروو تامانیدن بجا کیلتیریلیشی بیلن تیگیشلی موضوعلرنی به تفصیل تلگه آلگن.

وزیرلر افغانستان نینگ ظرفیتی نینگ اوز ظرفیتیدن ایش آلینیشی نینگ اورته و جنوبی آسیا اورته سیده گی منطقه لر ارار مناسبتلرنینگ رواجلنیشی گه کتته حصه قوشه جگی قید ایتیلگن.