ایران تشقی ایشلر وزیری طالبان باشقروویگه چقیریق قیلدی

ایران تشقی ایشلر وزیری حسین امیر عبدالله یان افغانستانده گی طالبان اوتیش دوری باشقروویدن اولکه ده گی برگه گروهلرنینگ قتنشیشی بیلن کینگ بیر حکومت قوریش بوییچه بیرگن وعده سیگه وفا قیلیشینی کوتگن لیکلرینی ایتدی.

ایران دولت تلویزیون خبر بیریشیچه ایران، روسیه، چین و پاکستان تشقی ایشلر وزیرلری اوزبیکستان نینگ سمرقند شهریده افغانستان موضوعی بوییچه تورت تامانلیک بیر اوچره شوو اوتکزگن.

اوچره شوونینگ آره سیده سوزگه چیققن ایران تشقی ایشلر وزیری عبدالله یان افغانستان بیلن قوشنی 4 اولکه اورته سیده گی مشترک منطقوی همکارلیک شکلینی اهمیت گه سزاوار دیب تن آلگن لیگینی معلوم قیلیب؛

"ایران، پاکستان، روسیه و چین نینگ اورته سیده گی تورت تامانلیک اوچره شوولرده  قیغولریمیزنی و افغانستان ده گی موجود وضعیت نی تیلگه آلدیک" دیگن.

عبدالله یان جلسه ده منطقه ده ترورچیلیک و افراطیلیک طفیلی یوزه گه چیققن قیغو بیلن بیر قطارده افغانستان ده ترورچیلیک نینگ و خوف نینگ تاباره کوپه ییب باریشی نینگ امریکا قوشمه ایالتلری نینگ سیاستی نینگ نتیجه سی ایکن لیگی گه دقت تارتگن. عبدالله یان افغانستان نینگ بوگونگی کونده گی وضعیتیدن اولکه نی قریب 20 ییل اشغال آستیگه توتگن امریکا قوشمه ایالتلری مسؤل ایکن لیگینی ایتگن.

ایرانلیک وزیر منبعی افغانستان بولگن مخدره مواد قاچاقچیلیگی نینگ هم مهم بیر معما ایکن لیگینی امریکا قوشمه ایالتلری نینگ اشغالی مدتی ایچیده مخدره مواد معماسی نینگ ییچیلمه گن لیگینی شونده ی بولیب بو اولکه ده مخدره مواد ایکیش و قاچاقچیلیگی نینگ جدی مقدارده کوپه یگن لیگینی افاده ایتدی.

افغانستان ده گی حیات شرتلری نینگ تاباره قیینلشیب بارگن لیگی و خاتین – قیزلرنینگ تعلیم حقلری نینگ قوللریدن آلینیشی نینگ هم خواطرگه چومگن لیگینی قید ایتگن عبدالله یان اولکه سی نینگ بیرلشگن ملتلر تشکیلاتی نینگ یاردمی و قوللب - قوتلشی بیلن بو توغریده کمک بیریش گه تیار ایکن لیگینی تیلگه آلگن.

عبدالله یان طالبان باشقروویگه "قوشنیلری بیلن مشترک چیگره لرده گی معمالرنی اداغگه ییتکیزیشی" بوییچه چقیریق قیلگن لیکلرینی معلوم قیلیب

"افغانستان باشقرووی گه توصیه میز اولکه ده گی برچه گروپلرنینگ قتنشیشی بیلن کینگ بیر حکومت قوریش وعده سیگه وفا قیلیشی دیر" دیدی.