پاکستانده جنگری لرنینگ هجومی عاقبتیده کوپلب پولیس حیاتینی یوقاتدی و یره لندی
اوشبو حادثه خیبر پختونخوا ایالتیده یوز بیردی

پاکستان نینگ خیبر پختونخوا ایالتیده جنگری لرنینگ پولیس مرکزی و قوشیمچه کوچ اوله راق اوشبو ییر گه کیلگن پولیس لر گه قره ته اویوشتیرگن هجومی عاقبتیده 4 پولیس حیاتی نی یوقاترایکن, 6 پولیس ایسه یره لندی.
پاکستانده بیریلگن خبرلرده, جنگری لرنینگ کیچه لکی مروت منطقه سیده بیر پولیس مرکزی گه هجوم اویوشتیرگن لیگی بیلدیریلدی.
حادثه آرتیدن منطقه گه ییتیب بارماقچی بولگن باشقه بیر پولیس تیمی گه قرشی هم بمبی هجوم اویوشتیریلدی.
پارتلش عاقبتیده 4 پولیس حیاتینی یوقاترایکن, 6 پولیس ایسه یره لندی.
باش وزیر شهباز شریف, تویتر آرقه لی بیرگن بیاناتیده, پولیس لرنینگ تروریزم گه قرشی کوره ش بوییچه قیلگن فداکارلیک لری نینگ ایسدن چیقاریلمه یدیگن لیگینی بیلدیردی.
حاضرچه اوشبو حمله نینگ مسئولیتینی هیچ بیر تامان بوینی گه آلگن ایمس.
سونگّی پیتلرده اینیقسه خیبرپختونخوا و بلوچستان ایالتلریده ترورچیلیک هجوملری آرتیب کیتدی.
اسلام آباد, خوددی شوو هجوم لرنینگ افغانستانده جایلشگن پاکستان طالبانی تامانیدن پلانله نیب باشقریلیاتگن لیگی نی بیلدیررایکن, افغانستان تامانی ایسه اوشبو ادعا لرنی رد ایتماقده.
پشار شهریده 30- جنوری کونی پیشین نمازی اوقیلیاتگن پیتده اویوشتیریلگن انتحاری هجوم عاقبتیده کوپچیلیگی پولیس لردن عبارت 102 کیشی حیاتینی یوقاتگن ایدی.
بلوچستانده 6- مارچ کونی اویوشتیریلگن انتحاری هجوم عاقبتیده ایسه 10 پولیس اولگن ایدی.